Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. mars. 2010 03:45

Erfðastaða íslenska geitastofnsins talin mjög alvarleg

Birna Baldursdóttir ver meistaraprófsritgerð sína við Landbúnaðarháskóla Íslands næstkomandi miðvikudag klukkan 14 á Hvanneyri. Titill ritgerðarinnar er: Erfðafjölbreytileiki innan íslenska geitastofnsins „Genetic variation within the Icelandic goat breed assessment using population data and DNA analysis.”

Í ágripi úr ritgerð Birnu kemur fram að íslenski geitastofninn er lítill lokaður erfðahópur sem telur á milli 500-600 dýr í 45 hjörðum. Talið er að landnámsmenn hafi flutt geitur með sér frá Noregi um 870-930. Vitað er að stofninn hefur gengið í gegnum nokkra flöskuhálsa og tvisvar hefur stofninn farið niður fyrir hundrað dýr. Í rannsókn þessari var erfðafjölbreytileiki innan íslenska geitastofnsins metinn bæði með ætternisgögnum og DNA greiningu. Erfðafjölbreytileiki er mikilvægur þáttur í kynbótum og grunnur þróunar og aðlögunar lífvera.

Helsta áhyggjuefni íslenskra geitfjárræktenda hefur verið að stofninn væri í mikilli útrýmingarhættu vegna lítillar stofnstærðar, mikillar einangrunar hópa innan stofnsins og þar af leiðandi mikillar skyldleikaræktar.

 

Niðurstöður Birnu staðfesta að staða geitastofnsins er afar viðkvæm þar sem erfðafjölbreytileiki er lítill og skyldleikarækt mikil. Niðurstöður reiknaðar útfrá ætternisgögnum sýndu að árleg aukning í skyldleikarækt er 3%, ættliðabil 3,5 ár sem svarar til 9,9% aukningar í skyldleikarækt í hverri kynslóð og meðal skyldleikaræktarstuðull árið 2006 var 15,9%. Virk stofnstærð var metin 5,1 dýr. Samantekið sýna þessar niðurstöður að staða íslenska geitastofnsins er alvarleg og afar viðkvæm, þar sem erfðafjölbreytileiki er mjög takmarkaður.

 

Sjá nánar í frétt: www.lbhi.is

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is