Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. mars. 2010 09:01

Frábær árangur sundfólks á meistaramótinu

Sundfólk frá ÍA náði frábærum árangri á Meistaramóti Íslands í sundi sem fram fór í Laugardalslaug um helgina, kom heim með þrjú gull, fimm silfur og 11 brons. Salome Jónsdóttir varð Íslandsmeistari í tveimur greinum og Ágúst Júlíusson í einni.   Ágúst og Salome unnu sína fyrstu Íslandsmeistaratitla í sundi strax á fyrsta degi mótsins. Ágúst í 50 metra flugsundi en Salome í 400 metra fjórsundi. Birgir Viktor Hannesson var einungis hársbreidd frá titli í 400 metra fjórsundi, endaði í öðru sæti. Leifur Guðni Grétarsson varð þriðji í 100 metra bringusundi og Jón Þór Hallgrímsson sömuleiðis í 200 metra baksundi. Þá náði kvennasveitin þriðja sæti í 4x200 metra skriðsundi.

 

 

 

Á öðrum degi, laugardag, munaði minnstu að gull næðist í tveimur greinum. Ágúst Júlíusson varð annar í 100 metra flugsundi og þriðji í 50 metra skriðsundi. Inga Elín Cryer varð þriðja í 200 metra fjórsundi og önnur í 400 metra skriðsundi, en Salome Jónsdóttir varð þriðja í sama sundi. Jón Þór Hallgrímsson varð þriðji í 50 metra baksundi og fimmti 100 metra flugsundi. Þá varð Birgir Viktor Hannesson þriðji í 200 metra fjórsundi.

Á seinasta degi mótsins varð Salome Íslandsmeistari í 200 metra flugsundi og vann sinn annan titil á mótinu. Jón Þór Hallgrímsson stóð sig einnig frábærlega, varð annar í 200 metra flugsundi og þriðji í 100 metra baksundi. Birgir Viktor Hannesson bætti einnig í verðlaunasafnið með bronsi í 200 metra bringusundi. Þessi síðasti dagur var góður endur á frábærri ferð Skagamanna á MÍ í sundi.

 

Ljósm. af hópnum: Bjarki Georgsson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is