Forsíða
Auglýsing
Rss straumur af fréttum frá Skessuhorni
Náttmál. Fjórði Laugardagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. apríl. 2010 07:04

Gaf út reglugerð um fyrirkomulag makrílveiða

Jón Bjarnason sjávarútvegs- og landbúnaðarráðherra gaf fyrir páska út reglugerð um stjórn makrílveiða íslenskra skipa 2010. Í tilkynningu frá ráðuneytinu er tekið skýrt fram að ekki hefur náðst samkomulag við önnur strandríki um fyrirkomulag eða leyfilegt heildarmagn makrílveiða og verða því leyfi til veiðanna einungis gefin út fyrir yfirstandandi ár. Áhersla er lögð á að ekki megi reikna með að veiðarnar í ár skapi grunn að veiðirétti í framtíðinni eða að framtíðarfyrirkomulagi veiða að öðru leyti. Reglugerðin kveður á um, að miðað verði við að ráðherra geti stöðvað makrílveiðar, þegar náð hefur verið 130 þúsund lesta afla. Þessum viðmiðunarafla verður ráðstafað til skipa með þrennskonar hætti:

Í fyrsta lagi verður 112 þúsund lestum ráðstafað til skipa sem stunduðu makrílveiðar í flottroll eða nót á árunum 2007, 2008 og 2009 samkvæmt veiðileyfum og skal skipt hlutfallslega miðað við heildarafla skipanna. Í öðru lagi verður þrjú þúsund lestum ráðstafað til skipa sem fyrirhuga veiðar á línu eða handfæri, í net eða gildrur skv. leyfi Fiskistofu. Loks verður 15 þúsund lestum ráðstafað til skipa sem hvorki falla undir flokk 1 eða 2 en sótt hafa um leyfi til makrílveiða eigi síðar en 30. apríl nk. Ráðstöfun aflamagns samkvæmt þessum lið verður tengd skipastærð, þannig að skip sem eru stærri en 200 BT en minni en 550 BT fá 85% af því magni sem 550 BT skip eða stærri fá, og skip sem eru 200 BT eða minni fá 70% af sömu viðmiðun. Magnið í lestum mun svo ráðast af fjölda umsókna í hverjum stærðarflokki, en ekkert skip fær þó meira en 1000 lestir.

“Með þessum reglum er tekið tillit til alhliða hagsmuna og stuðlað að sem mestri og fjölbreyttastri  verðmætasköpun og atvinnu fyrir þjóðarbúið í heild,” segir Jón Bjarnason sem jafnframt vill leggja áherslu á að auka þann hluta makrílaflans sem unninn er til manneldis.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is