Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. apríl. 2010 09:28

Snæfell gjörsigraði KR í vesturbænum

Bikarmeistarar Snæfells byrjuðu úrslitaeinvígið gegn Íslandsmeisturum KR gríðarlega vel í gærkvöldi. Þrátt fyrir að leikið væri í Frostaskjólinu í Vesturbænum unnu Snæfellingar mjög sannfærandi sigur. Lokatölur voru 102:84, en það var í seinni hluta sem gestirnir létu að sér kveða, spiluðu gríðarsterka vörn á sama tíma og skytturnar voru að setja niður hvern þristinn á fætur öðrum. KR-ingar réðu ekkert við Hólmara í þessum ham og verða því að mæta í Stykkishólm 0:1 undir þegar liðin mætast öðru sinni á miðvikudagskvöld. Þrjá sigra þarf til að komast í úrslitaviðureignina á móti öðru hvoru Suðurnesjaliðanna; Keflavík eða Njarðvík. Snæfell steig mikilvægt skref í þá átt í gær.

 

 

 

KR-ingar byrjuðu betur í leiknum og voru þremur stigum yfir eftir fyrsta leikhluta, 22:19. Jafnræði var með liðunum í öðrum leikhluta, en það voru Snæfellingar sem voru yfir þegar gengið var til leikhlés 43:40.

Það var síðan strax í upphafi seinni hálfleiks sem Snæfellingar fóru í gang svo um munaði. Sean Burton, sem hafði haft hægt um sig í fyrri hlutanum, opnaði þristareikninginn og félagar hans í Snæfellsliðinu fóru að hans fordæmi. Átján stigum munaði á liðunum að loknum þriðja leikhluta 75:57 og sama munur hélst út leikinn.

 

Tíu leikmenn Snæfells skoruðu í leiknum. Þeirra atkvæðamestur var Martins Berkis með 21 stig, Sigurður Þorvaldsson var með 20 stig og Hlynur Bæringsson gerði 19 stig og tók 14 fráköst. Hlynur setti einnig niður 3 af 4 þristum sínum í leiknum og minnti KR-inga á að það þarf líka að dekka hann utan við þriggja stiga línuna. Hjá KR var Finnur Atli Magnússon að leika manna best og gerði 20 stig.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is