Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. apríl. 2010 11:01

Námskeiðið Orkubóndinn hefst á morgun á Hvanneyri

Námskeiðið Orkubóndinn verður haldið í Ásgarði, í Landbúnaðarháskóla Íslands á Hvanneyri á morgun og hinn daginn. Á námskeiðinu getur áhugafólk um virkjun orku kynnt sér smávirkjanir af ýmsu tagi og fengið ráð um hvernig hægt er að beisla orkuna heima fyrir. Orkubóndinn hefur verið haldinn á sjö stöðum í vetur og hafa 650 þátttakendur sótt námskeiðið. Í tilkynningu frá Nýsköpunarmiðstöð Íslands kemur fram að lögð er áhersla á að gera efnið skemmtilegt og aðgengilegt öllum og er námskeiðsgjaldið 3000 krónur.  

Námskeiðið á Hvanneyri er haldið í samstarfi við  Endurmenntun LbhÍ en að Orkubóndanum standa Nýsköpunarmiðstöð Íslands, Orkustofnun, Iðnaðarráðuneytið, Mannvit, Verkís, Ísor og heimamenn víða um land. Í framhaldi af Orkubóndanum eiga þátttakendur kost á að fá aðstoð við að hrinda virkjunarhugmyndum í framkvæmd og nú þegar hafa fjölmargir hafið undirbúning að virkjunum eða gerð eigin eldsneytis.

 

Námskeiðið er ætlað einstaklingum, landeigendum, bændum, fulltrúum fyrirtækja, nemendum og öllum sem hafa áhuga á endurnýjanlegri orku. Herferð Orkubóndans um landið lýkur 19. maí þegar haldin verður ráðstefna í Reykjavík þar sem þátttakendur af námskeiðunum koma saman og mun Iðnaðarráðherra veita hvatningarverðlaunin Orkubóndinn.

 

Staður og stund:

13. apríl: kl. 10:30 – 16:30 í Ársal, Ásgarði hjá Landbúnaðarháskóla Íslands á Hvanneyri

14: apríl: kl. 10:00 er sameinast í bíla og farið  í heimsókn til  Bergþórs Kristleifssonar á Húsafelli, en hann hefur nýlega byggt allstóra virkjun í sínu landi. Eftir heimsóknina kl. 13:00 – 16:30 verður kennt í Ársal, Ásgarði.

 

Skráning á námskeiðið er á heimasíðu Nýsköpunarmiðstöðvar Íslands, www.nmi.is.

 

Nánari upplýsingar veitir:

Brynja Sigurðardóttir verkefnisstjóri, brynjasig@nmi.is s. 522-9000 / 691-2404.

 

-fréttatilk.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is