Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. apríl. 2010 07:11

Árið 2009 reyndist Borgarbyggð erfitt

Ársreikningur Borgarbyggðar var lagður fram á fundi í sveitarstjórn 15. apríl sl. “Heildartekjur sveitarsjóðs og B-hluta fyrirtækja á árinu 2009 voru 2.392 milljónir en rekstrarútgjöld án fjármagnsliða voru 2.282 milljónir.  Fjármagnsgjöld voru alls 269 milljónir.  Rekstrarniðurstaða Borgarbyggðar, samantekin fyrir A og B hluta, á árinu 2009 var því neikvæð um 159 milljónir sem er tæpum 34 milljónum betri niðurstaða en endurskoðuð fjárhagsáætlun gerði ráð fyrir. Þess ber að geta að niðurfærðar eignir og kröfur námu um 82 milljónum og hefur það töluverð áhrif á heildarniðurstöðu,” segir í fréttatilkynningu.

Veltufé frá rekstri var tæpar 47 milljónir eða 1,9% af rekstrarartekjum. Sveitarfélagið fjárfesti fyrir 76,5 milljónir á síðasta ári og munaði þar mestu um nýjan leikskóla á Hvanneyri og framkvæmdir við götur og gangstéttar í nýjum hverfum. “Eignir sveitarfélagsins voru í árslok 2009 rúmar 3.590 milljónir.  Heildarskuldir og skuldbindingar voru 3.314 milljónir, en tekin voru ný lán fyrir 198 milljónir á árinu.  Eigið fé sveitarfélagsins í árslok var því tæpar 276 milljónir.  Skuldbindingar utan efnahgasreiknings vegna leigusamnings um mennta- og menningarhúsið í Borgarnesi voru 1.151 milljón króna.”

 

Þá segir í tilkynningu frá Borgarbyggð að þrátt fyrir tap á rekstri á árinu 2009 sé niðurstaðan nokkru betri en áætlun hafi gert ráð fyrir. “Árið 2009 hefur verið sveitarfélaginu þungt, en þrátt fyrir fækkun íbúa, lækkun skatttekna og aukna greiðslubyrgði lána eru batamerki í rekstri Borgarbyggðar á árinu 2009.  Það má glöggt sjá á því að rekstrarkostnaður sveitarfélagsins lækkaði á milli áranna 2008 og 2009 um 4,9% eða 118 milljónir þrátt fyrir ríflega 10% verðbólgu. Miðað við fjárhagsáætlun ársins 2010 og þriggja ára áætlun fyrir árin 2011-2013 er ekki ástæða til annars en ætla að þær hagræðingaraðgerðir sem gripið hefur verið til muni skila árangri, en þó má vissulega lítið út af bregða og eru stjórnendur Borgarbyggðar meðvitaðir um mikilvægi þess að eftirlit sé stöðugt þannig að hægt sé að grípa til aðgerða ef þurfa þykir.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is