Forsíða
Auglýsing
Rss straumur af fréttum frá Skessuhorni
Náttmál. Fjórði Laugardagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. apríl. 2010 10:14

Samningur við Norðurál undirritaður í nótt

Klukkan eitt í nótt var undirritaður nýr kjarasamningur fyrir starfsmenn Norðuráls en þá hafði samningafundur staðið yfir samfleytt í tæpa 15 klukkutíma. Að sögn Vilhjálms Birgissonar formanns Verkalýðsfélags Akraness og samninganefndar starfsmanna náðust meginkröfur stéttarfélaganna í þessari erfiðu kjaradeilu. Samningurinn gefur starfsmönnum á fyrsta ári 11,2% launahækkun, en inni í þeirri tölu er eingreiðsla upp á kr. 150.000 sem verður til greiðslu í komandi maímánuði. Laun vaktavinnumanna hækka um 30.000 - 34.000 kr. á mánuði og mun samningurinn gilda frá 1. janúar 2010 til 31. desember 2014. Launaliðurinn verður laus um næstu áramót og verður þá samið um hvernig þróun hans skuli háttað á samningstímanum, að því er fram kemur á vef VLFA.

 

 

 

Vilhjálmur segir það gríðarlega mikilvægt atriði sem náðist fram í þessum kjarasamningum, en nú munu starfsmenn Norðuráls eiga verkfallsrétt eins og flestir aðrir launþegar þessa lands, en sem kunnugt er var gengið frá því í kjarasamningum 1998 að starfsmenn Norðuráls höfðu ekki slíkan rétt. Á heildina litið segist formaður Verkalýðsfélags Akraness mjög sáttur með þennan samning.

„Þessi barátta hefur staðið frá 30. október 2009 eða í tæpt hálft ár og er ein alerfiðasta kjaradeila sem ég hef tekið þátt í að leysa frá því ég tók við formennsku. Nú er verið að undirbúa kynningar á þessum samningi og munu þær flestar fara fram á vinnustaðnum og á vinnutíma,“ segir Vilhjálmur en byrjað verður að kynna samninginn strax á fimmtudagsmorgun og er áætlað að kynningu verði lokið þriðjudaginn 27. apríl. Hægt verður að kjósa um samninginn að lokinni hverri kynningu fyrir sig og einnig hjá aðaltrúnaðarmanni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is