Framboðslisti Sjálfstæðisflokksins á Akranesi

Gísli bæjarstjóri verður í baráttusæti listans.

Á fundi fulltrúaráðs sjálfstæðisfélaganna á Akranesi sem haldinn var í gær var samþykktur framboðslisti sjálfstæðismanna á Akranesi fyrir komandi sveitarstjórnarkosningar í vor. "Gunnar Sigurðsson, forseti bæjarstjórnar verður áfram oddviti sjálfstæðismanna á Akranesi. Á listanum haldast í hendur mikil reynsla og endurnýjun,” segir í tilkynningu. Röð efstu fjögurra manna á listanum er sú sama og niðurstaðan varð í prófkjöri flokksins í vetur. Í fimmta sæti listans er svo Gísli S Einarsson bæjarstjóri sem fyllir skarð Ragnars Ragnarssonar sem hafnaði í 5. sæti í prófkjörinu en dró framboð sitt til baka.

Gísli hafnaði eins og kunnugt er neðar en 6. sæti í prófkjörinu 27. febrúar. Aðspurður sagði Gunnar Sigurðsson, oddviti listans, um hvort Gísli væri ekki þar með áfram bæjarstjóraefni flokksins, að slíkt hafi ekki verið rætt. “Ég heyrði þennan lista í fyrsta skipti fram borinn í gærkvöldi á fulltrúaráðsfundinum. Sá möguleiki hefur ekki verið ræddur í okkar röðum. Listinn var hins vegar samþykktur með öllum atkvæðum, en tveir sátu hjá,” sagði Gunnar í samtali við Skessuhorn.

Gísli S Einarsson kvaðst í samtali við Skessuhorn fagna þeim stuðningi sem honum hefði verið sýnt. "Ég geri jafnframt ráð fyrir því að fimmta sæti listans verði jafnframt bæjarstjórasæti, um það held ég að flokksfélagar mínir séu sammála,"sagði Gísli.

Fyrir ári síðan
	Vilja lækka komugjöld til geðlækna
Fyrir 3 árum
	Vilja lækka komugjöld til geðlækna
Fyrir 6 árum
	Blóðsöfnun verður á Akranesi í dag

	Hulda Hrönn Sigurðardóttir Þjónusta við einstaklinga með ...
	Ásmundur Einar Daðason Ljósleiðari á hvert heimili
	Bjarni Jónsson Landsnet verði í samfélagseigu
	Ólafur Óskarsson Betri byggð, öruggari umferð
	Lilja Rafney Magnúsdóttir Spilavíti eru „Víti til varnað...