Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. apríl. 2010 03:28

Brúin yfir Bláskeggsá vígð formlega

Ráðherra og vegamálastjóri skömmu fyrir vígsluna. Ljósm. Skúli Böðvarsson.
Margir lögðu leið sína inn í Hvalfjörð í gær á sumardaginn fyrsta, en þá fór fram formleg vígsla gömlu brúarinnar yfir Bláskeggsá. Það voru Kristján L. Möller samgönguráðherra og Hreinn Haraldsson vegamálastjóri sem vígðu brúna. Hún var byggð árið 1907 og var brautryðjendaverk, fyrsta steinsteypta brúin á Íslandi utan Reykjavíkur. Hún var breikkuð eftir að bílaöld rann upp og var í notkun fram til ársins 1951. Undanfarið hefur verið unnið að því að koma brúnni í sem næst upprunalegt horf.

Fjölmenni var við vígsluna á fimmtudaginn og fóru samgönguráðherra og vegamálastjóri í hestvagni yfir brúna ásamt hátíðargestum. Af sama tilefni var veglegu upplýsingaskilti komið fyrir og var það afhjúpað af Kristínu Huld Sigurðardóttur, forstjóra Fornleifaverndar ríkisins.

Vígsludagurinn var hátíðisdagur í Hvalfjarðarsveit og að athöfn lokinni voru kaffiveitingar í gamla Þyrilsskála í boði sveitarstjórnar.

 

Meðal þess sem var að gerast í Hvalfjarðarsveit á sumardaginn fyrsta var myndlistarsýning sem opnuð var í stjórnsýsluhúsinu á Hagamel. Verður sýningin opin út maímánuð, en margir komu og nutu sýningarinnar á opnunardaginn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is