Systkinin Hafþór Ingi og Íris Gunnarsbörn voru valin bestu leikmenn tímabilsins á uppskeruhátíð körfuknattleiksdeildar Skallagríms sem fram fór á B-57 í Borgarnesi að kvöldi síðasta vetrardags. Körfuknattleikstímabilinu lýkur formlega hjá Skallagrími í byrjun maímánaðar með uppskeruhátíð yngri flokka en um leið verður haldið mót fyrir þau yngstu, að sögn Pálma Blængssonar formanns körfuknattleiksdeildar.

Á uppskeruhátíð meistaraflokkanna voru veittar viðurkenningar fyrir árangur og ástundun í vetur. Hjá körlunum var Trausti Eiríksson valinn mikilvægasti leikmaðurinn, Óðinn Guðmundsson mesti baráttumaðurinn og Davíð Guðmundsson þótti sýna mestu framfarirnar.