Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. maí. 2010 07:01

Boða rannsókn á falli sparisjóða

Sérstök rannsóknarnefnd verður skipuð um aðdraganda og orsök falls íslenska sparisjóðakerfisins, nái þingsályktunartillaga sem Vinstri græn og Hreyfingin standa að fram að ganga. Ásmundur Einar Daðason, þingmaður Vinstri grænna í Norðvesturkjördæmi, er fyrsti flutningsmaður tillögunnar, sem er ætlað að kanna hvort fall sparisjóðanna hafi verið vegna mistaka eða vanrækslu við framkvæmd laga og reglna um fjármálastarfsemi á Íslandi og eftirlit með henni, og hverjir kunni að bera ábyrgð á því.  Í greinargerð með tillögunni segir að nýleg yfirtaka Fjármálaeftirlitsins á BYR – sparisjóði og Sparisjóðs Keflavíkur sé aðeins nýjasta dæmið um langa áfallasögu sparisjóðakerfisins.

Sú rannsókn sem hér sé lagt til að verði gerð þurfi að ná að minnsta kosti til ársins 2001 eða aftur fyrir þann tíma þegar lagaumhverfi sparisjóðanna og rekstrarformi þeirra var breytt og vikið frá þeim samfélagssjónarmiðum sem þeir höfðu starfað eftir fram að því.

 

Sparisjóðir fái að starfa félagslega

Lagt er til að rannsóknarnefndin verði byggð á lögum um rannsókn á aðdraganda og orsökum falls íslensku bankanna 2008 og tengdra atburða og að hún skili Alþingi skýrslu um rannsóknina ásamt þeim samantektum og úttektum sem nefndin ákveður að láta vinna í þágu rannsóknarinnar. „Rannsóknin á ekki að einskorðast við aðdraganda hrunsins í október 2008 heldur taka einnig til tímans eftir hrun enda eru áhrif hrunsins enn að koma í ljós hjá sparisjóðum um allt land,“ segir Ásmundur Einar. Enn fremur er nefndinni ætlað að koma með ábendingar og tillögur að breytingum á lögum, reglum, vinnubrögðum og skipulagi opinberrar stjórnsýslu sem miða að því að gera sparisjóðum kleift að starfa á þeim félagslegu forsendum sem þeim upphaflega var ætlað að gera.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is