Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. maí. 2010 11:10

Sýningin Kaupmannsheimilið opnuð í Borgarnesi í dag

Sögusýningin Kaupmannsheimilið verður opnuð í Safnahúsi Borgarfjarðar í dag, miðvikudaginn 12. maí. Um er að ræða einstakt safn gagna og muna úr eigu fjölskyldu Jóns Björnssonar frá Bæ og Helgu Maríu Björnsdóttur konu hans og er uppistaðan rausnargjöf sem söfnunum barst fyrir nokkru. Jón frá Bæ stundaði kaupmennsku í Borgarnesi á fyrstu áratugum 20. aldar og var heimili þeirra hjóna mikilvægur hornsteinn bæjarlífsins á þeim tíma.  Sýningin er sett upp í tilefni af 50 ára afmæli Byggðasafns Borgarfjarðar og verður haldið upp á afmælið samhliða opnuninni.  Í tilefni dagsins mun Sæmundur Sigmundsson heiðra afmælisbarnið með sýningu á fornbílum úr eigu sinni. Sýningin verður opnuð kl. 17.30 í dag og er fólk hvatt til að koma þá eða síðar til að skoða sýninguna, sem síðan verður opin alla virka daga frá kl. 13-18 til 15. nóvember.

Aðalhvatamaður að stofnun Byggðasafnsins á sínum tíma var Haukur Jörundsson kennari  á Hvanneyri, en lengst vann Bjarni Bachmann fyrir safnið.  Að stofnuninni stóðu Samband borgfirskra kvenna, Búnaðarsamband Borgarfjarðar, Borgfirðingafélagið í Reykjavík, Ungmennasamband Borgarfjarðar og Kaupfélag Borgfirðinga. 

Í dag er safnið í eigu Borgarbyggðar með sérstökum þjónustusamningi við Skorradalshrepp og er Tómstunda- og menningarnefnd sveitarfélagsins jafnframt stjórn safnsins. Það er eitt af fimm söfnum í Safnahúsi Borgarfjarðar, þar sem fastráðnir starfsmenn eru þrír auk lausráðinna starfsmanna sem ráðnir eru til tímabundinna verkefna. Í vörslu Byggðasafns Borgarfjarðar er margt muna sem gegna mikilvægu hlutverki í byggðasögu héraðsins.

 

 

Á meðf. mynd sjást bókaskápar Jóns frá Bæ, sem voru á sínum tíma pantaðir frá Bandaríkjunum. Bókunum er raðað í þá alveg eins og þær voru á heimilinu sjálfu á sínum tíma. Fjær sjást fjölskyldumyndir og skrifborð Jóns.
Ljósm. Guðrún Jónsdóttir.
Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is