Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. maí. 2010 11:22

Reynsluleysi varð Skagamönnum að falli fyrir austan

Hjörtur Júlíus lagði upp bæði mörk Skagamanna.
Þórður Þórðarson þjálfari Skagamanna segir að reynsluleysi hafi orðið liði sínu að falli fyrir austan sl. laugardag þegar ÍA tapaði fyrir Fjarðabyggð 2:3. Ung vörn ÍA-liðsins brást undir lokin þegar Austfirðingarnir skoruðu tvö mörk og náðu að snúa leiknum sér í vil. Það verður ekki annað sagt en Íslandsmótið í knattspyrnu byrji sérkennilega að þessu sinni, liðin, sem spáð var efstu sætunum í tveimur efstu deildunum, byrja ekki vel og eru meðal neðstu liða eftir tvær fyrstu umferðirnar. Þetta eru gömlu stórveldin KR og ÍA, en KR-ingarnir hafa aðeins náð í eitt stig út úr leikjum við nýliðana í deildinni, Hauka og Selfoss.

 

 

 

Skagamenn léku lengstum ágætlega fyrir austan á laugardag og komust yfir á 17. mínútu þegar Andri Júlíusson skoraði. Sex mínútum síðar jafnaði Aron Már Smárason fyrir Fjarðabyggð og staðan var 1:1 í leikhléinu. Andri Adolfsson náði aftur forystunni fyrir ÍA í byrjun seinni hálfleiks og líkt og í fyrra markinu átti Hjörtur Júlíus Hjartarson mikinn þátt í undirbúningnum. Það var síðan undir lok leiksins sem þeir austanmenn skoruðu tvö mörk með skömmu millibili og sigruðu því í leiknum. Aftur var Aron Már Smárason á ferðinni, en þennan leikmann lánaði gamli Skagamaðurinn Ólafur Þórðarson frá Fylki daginn áður.

 

Næsti leikur ÍA verður á Skaganum nk. laugardag þegar Fjölnir úr Grafarvogi kemur í heimsókn. Fjölnir er eitt sterkasta liðið í deildinni og verður án efa um jafna og spennandi viðureign að ræða. Nýgenginn til liðs við ÍA er Stefán Örn Arnarson framherji sem leikið hefur með Keflvíkingum og Víkingi R. Stefán starfar í lögreglunni á Akranesi í sumar. Ekki er ljóst hvort að hann verður orðinn gjaldgengur fyrir næsta leik þar sem eftir er að ganga frá samningi við hann.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is