Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. maí. 2010 12:49

Umdeildur ráðningarsamningur

Ráðningarsamningur við Eyþór Björnsson skrifstofustjóra Grundarfjarðarbæjar var samþykktur á fundi bæjarstjórnar í gær með atkvæðum meirihlutans. Gildir ráðningarsamningur Eyþórs til 30. júní á næsta ári.  Ekki voru allir á sama máli varðandi samninginn. Gísli Ólafsson, oddviti L-listans, sem er í minnihluta, lagði fram tillögu um að staðan yrði auglýst og að ný bæjarstjórn myndi ráða í starfið. Sú tillaga var felld með þremur atkvæðum gegn fjórum. Lagði þá Gísli til að afgreiðslu málsins yrði frestað og vísað til nýrrar bæjarstjórnar til meðferðar. Sú tillaga var einnig felld með sama mun. Ráðningarsamningur við Eyþór var því staðfestur með fjórum atkvæðum gegn þremur.

Varðandi ráðninguna segir Gísli Ólafsson: „Afgreiðsla þessi er í mótsögn við samþykkt um stjórn og fundarsköp Grundarfjarðarbæjar, þar sem segir að ráða skuli í stöðu skrifstofustjóra að undangenginni auglýsingu.” Segir hann að það hljóti að vera í anda vandaðrar og opinnar stjórnsýslu að fastar stjórnunarstöður hjá Grundarfjarðarbæ séu auglýstar. Þá bendir hann á að það þurfi að gæta að jafnræðisreglunni í opinberri stjórnsýslu.

 

Fulltrúar D-listans líta hins vegar á málið þannig að framundan séu miklar breytingar á yfirstjórn sveitarfélagsins og því nauðsynlegt að stöðugleiki ríki við fjármálastjórnun þess á umbrotatímum. Telja þeir að ráðningarsamningur Eyþórs muni meðal annars stuðla að því næsta árið.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is