Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. júní. 2010 10:01

Stofnun Sigurðar Líndals í réttarsögu sett á fót

Stofnun Sigurðar Líndals í réttarsögu var kynnt í síðustu viku í Snorrastofu í Reykholti. Það voru Snorrastofa og Háskólinn á Bifröst sem ákváðu að koma á fót sameiginlegri rannsóknarstofnun í réttarsögu og kenna hana við Sigurð Líndal, prófessor við Háskólann á Bifröst sem var um árabil prófessor við lagadeild Háskóla Íslands.  Fyrstur tók til máls Ágúst Einarsson, rektor við Háskólann á Bifröst. Hann sagði stofnunina hafa þrjú hlutverk; að auðvelda fræðimönnum rannsóknir á sviði réttarsögu, standa fyrir útgáfu í þessum efnum og vinna að kynningu. Bergur Þorgeirsson, forstöðumaður Snorrastofu sagði ýmsar rannsóknir tengdar þessu sviði hafa verið gerðar í Snorrastofu en þeim hafi vantað bæði fólk og fjármagn.

Stofnunin sé því mikið tækifæri. Þá sagði Bergur vel við hæfi að Snorrastofa væri með í þessu verkefni því Snorri Sturluson lögsögumaður, sá er Snorrastofa er kennd við, hafi sjálfur verið mikilvægur í þessari sögu. Að lokum steig Sigurður Líndals sjálfur í pontu og talaði um gildi réttarsögunnar. Þá stóðst hann heldur ekki mátið og fór á hundavaði yfir réttarsögu og –þróun Íslands.

 

Í samtali við Skessuhorn sagði Bergur hugmyndina af sambærilegri stofnun hafi í raun kviknað fyrir löngu síðan. Það hafi síðan verið fyrir frumkvæði Jóns Ólafssonar prófessors við Háskólann á Bifröst sem þessi stofnun var sett á laggirnar. “Við höfum áður átt í samstarfi við Bifröst en þetta er í fyrsta skipti sem við stöndum sameiginlega að rannsóknum. Þetta er í raun mjög skemmtilegur áfangi þegar tvær háskólastofnanir hefja samstarf,” segir Bergur að lokum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Umsókn um styrki 2020

Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is