Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. júní. 2010 10:01

Kraftur í náttúrurannsóknum í Stykkishólmi í sumar

Á þessum árstíma er mikið unnið að gagnaöflun vegna náttúrurannsókna. Í frétt frá Náttúrustofu Vesturlands í Stykkishólmi segir að alls muni 23 koma að ýmsum rannsóknum í vor og sumar á vegum NSV og Háskólaseturs Snæfellsness. Þeim til viðbótar eru starfsmenn Stykkishólmsbæjar og sjálfboðaliðar sem vinna munu að aðgerðum gegn ágengum plöntutegundum í sumar undir faglegri verkstjórn Náttúrustofunnar auk fræðimanna sem eiga leið um Stykkishólm og nýta aðstöðu eða aðstoð starfsfólks stofnananna við rannsóknir sínar á svæðinu.

“Á Náttúrustofu Vesturlands eru fjórir fastráðnir starfsmenn í fullu starfi, sem m.a. sinna rannsóknum á spendýrum, fuglum og plöntum og vinna að umhverfismálum, auk þess sem danskur sérfræðingur Norrænu eldfjallastöðvarinnar hefur þar starfsaðstöðu hluta af sínum vinnutíma. Í vor og sumar sinna þrír verkefnaráðnir starfmenn afmörkuðum verkefnum um mink, glókoll og tófu. Í sumar verður hér einnig doktorsnemi á styrk frá Rannís vegna minkarannsókna og líffræðinemi, sem fékk styrk til að vinna að rannsóknum á verkun þara á vegum Matís og Íslenskrar bláskeljar ehf. og hafa mun vinnuaðstöðu m.a. á Náttúrustofunni. Þeim til viðbótar er sjálfboðaliði sem verður við ýmsar rannsóknir í júlí.

 

Á Háskólasetri Snæfellsness eru tveir fastráðnir starfsmenn í fullu starfi, einkum við rannsóknir á æðarfugli og sjófuglum. Í sumar fjölgar verulega þegar hingað koma tveir doktorsnemar til rannsókna á kríu og æðarfugli ásamt 3-4 sjálfboðaliðum á þeirra vegum. Þá dvelja hér um hríð tveir erlendir sérfræðingar, bandarískur sérfræðingur í veirusjúkdómum í fuglum og kanadískur sjófuglasérfræðingur. Þrír sumarstarfsmenn verða við Háskólasetrið; tveir líffræðinemar úr Stykkishólmi vinna verkefni sín um lunda og kríu á styrkjum sem fengust hjá Nýsköpunarsjóði námsmanna. Loks fengu Háskólasetrið og Vör Sjávarrannsóknasetur við Breiðafjörð styrk fyrir sumarmanneskju sem mun prófa veiðiaðferðir á marhnút, marflóm, sprettfiski og kræklingi, með það markmiði að geta vaktað þessar tegundir í framtíðinni,” segir í frétt frá NSV um fjölbreyttar náttúrurannsóknir á Snæfellsnesi í sumar.

 

Sjá nánar: www.nsv.is

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is