Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. júní. 2010 01:57

Ríflega tvöföldun verðmæta af grásleppuveiðum

Grásleppuvertíðin hefur gengið afar vel í ár og hefur veiði aukist um 50% frá fyrri árum sem þó voru talin góð. Afurðaverð er einnig mjög gott. Þannig fengust 2. júní í fyrra fengust 780 krónur fyrir hvert kíló af grásleppuhrognum samkvæmt upplýsingum Reiknistofu fiskmarkaða, en verðið þann 3. júní í ár var1.106 krónur fyrir kílóið. Þetta er verðhækkun upp á 42%. Á síðasta ári voru söltuð grásleppuhrogn flutt út héðan fyrir 939 milljónir króna en árið á undan fyrir 562 milljónir. Nánast sama magn er á bak við þessar tölur. Útflutningsverðmæti kavíars tvöfaldaðist, jókst úr 810 milljónum króna í 1.604 milljónir. Á síðasta ári var meðalverðið 148 þúsund krónur fyrir tunnuna.  Samanlagt jókst útflutningsverðmæti þessara afurða úr 1,4 milljörðum árið 2008 í um 2,5 milljarða árið 2009.  Miðað við verðhækkanir og aflaaukningu á vertíðinni gætu grásleppuveiðar á Íslandi verið að skila 5,3 milljörðum í útflutningsverðmæti sem er ríflega tvöföldun frá fyrra ári og næstum fjórföldun frá 2008.

Íslendingar veiddu í fyrra um helming heimsafla af grásleppuhrognum, en auk Íslendinga eru töluverðar veiðar stundaðar frá Nýfundnalandi, Grænlandi og Noregi. 

Sjávarútvegs- og landbúnaðarráðuneytið hefur í samvinnu við Landssamband smábátaeigenda verið með sérstakt átak í fullnýtingu á grásleppuafurðum. Þannig fóru þrír gámar af frosinni grásleppu til Kína í fyrra og er áætlað að nú fari 10 gámar. Áður en þetta átak hófst var grásleppunni fleygt eftir hrognatöku að frátöldu lítilræði sem látið var síga. Hér er ráðuneytið að framfylgja yfirlýstri stefnu Jóns Bjarnasonar ráðherra um fullnýtingu afla og sem snýr að siðlegri umgengni við sjávarauðlindina. Möguleikar á nýtingu ýmissa aukaafurða hafa einnig batnað mjög á undanförnum áratug, segir í tilkynningu frá ráðuneytinu, og nú er búin til fullgild vara úr aukaafurðum af grásleppu sem óhugsandi hefði þótt að hirða hér áður fyrr.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is