Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. júní. 2010 02:51

Hátíðarhöld á þjóðhátíðardaginn

Í flestum sveitarfélögum á Vesturlandi fer fram hátíðardagskrá á morgun, þjóðhátíðardaginn 17. júní. Hér að neðan er farið yfir hátíðir í stærstu bæjarfélögum landshlutans; á Akranesi, Borgarnesi, Hvalfjarðarsveit, Dalabyggð, Snæfellsbæ, Grundarfirði og Stykkishólmi.

 

Skessuhorn óskar Vestlendingum nær og fjær sem og Íslendingum öllum til hamingju með daginn.

 

 

 

 

 

 

Á Akranesi fer skrúðganga frá Safnasvæði í Garðalund kl. 14. Hátíðardagskráin er síðan frá kl. 14.10 til 16 og hefst með fánahyllingu og ávarpi Sveins Kristinssonar, forseta bæjarstjórnar Akraness. Næst er ávarp fjallkonu og kórsöngur stjörnukórs Akraneskirkju. Hanna Þóra Guðbrandsdóttir syngur að lokum þjóðsönginn við undirleik Sveins Arnars Sæmundssonar. Að lokinni hátíðardagskrá tekur við fjölbreytt skemmtidagskrá fyrir alla fjölskylduna, hoppkastalar, andlitsmálun, leikir og skemmtun. Meðal atriða síðdegis er söngkeppni undir stjórn Huldu Gests.

 

Í Borgarnesi fara fram hátíðarhöld á vegum sveitarfélagsins í Skallagrímsgarði. Skrúðganga hefst kl. 13.45 frá félagsmiðstöðinni í garðinn. Kl. 14 verður séra Þorbjörn Hlynur Árnason með helgistund. Hátíðardagskráin hefst kl. 14.15 með hátíðarávarpi Ragnars Franks Kristjánssonar forseta sveitarstjórnar Borgarbyggðar. Því næst er ávarp fjallkonu og brúðuleikrit sem Bernd Ogrodnik sýnir. Ýmis tónlistaratriði verða flutt og má þar nefna Hólmfríði Valdísi Sævarsdóttur, Eyþór Inga úr bandinu hans Bubba, Írisi Hauksdóttur og hljómsveitina Mannakorn. Kaffisala Kvenfélags Borgarness verður einnig á staðnum.

 

Í Hvalfjarðarsveit verður barna- og fjölskylduskemmtun við Fannahlíð. Hún hefst með búningaskrúðgöngu leikfélagsins kl. 13.30. Björn Páll setur hátíðina kl. 14 en því næst er ávarp fjallkonu. Þar á eftir er kórsöngur og síðan fer Hjördís Stefánsdóttir með ræðu í tilefni dagsins. Fjöldasöngur barna á Leikskólanum Skýjaborg verður að ræðunni lokinni en því næst tekur Jónsi í svörtum fötum lagið. Kaffisala verður í Fannahlíð eftir dagskrána í umsjón kvenfélagsins Greinar og kvenfélagsins Lilju. 

 

Hátíðarhöldin í Dalabyggð verða í Búðardal og í Saurbænum. Hátíðardagskráin í Búðardal hefst kl. 14 en þá gefa Lionsfélagar fána og blöðrur fyrir skrúðgönguna sem verður farin frá Leifsbúð að Silfurtúni. Þar verður ávarp fjallkonu, hátíðarræða, leikir, sprell og fjör. Í Saurbænum hefst dagskráin kl. 13 í skógræktargirðingunni í Þverfellshlíð. Allir koma með grill og mat á grillið. Farið verður í skemmtilega leiki og endað á reiptogi yfir ána.

 

Í Snæfellsbæ fer skrúðganga frá íþróttahúsi Snæfellsbæjar í Ólafsvík kl. 13.15 að Þorgrímspalli en þar hefst hátíðardagskrá kl. 13.30. Forseti bæjarstjórnar Jón Þór Lúðvíksson setur hátíðina en eftir það er ávarp fjallkonu og helgistund. Magnús Már Leifsson nýstúdent flytur næst ræðu. Ýmis söngatriði, töfrabrögð og skemmtikrafturinn Jói G verða einnig með atriði. Þá verður listamaður Snæfellsbæjar árið 2010 tilnefndur.

 

Í Grundarfirði fer skrúðgangan af stað frá Kaffi 59 kl. 13.30 í Paimpol garðinn þar sem hátíðardagskrá hefst kl. 14. Fjallkona byrjar hátíðarhöldin með ávarpi sínu en síðan leikur Lúðrasveitin nokkur lög. Með hátíðarræðuna fer Áslaug Karen Jóhannsdóttir fjölmiðlafræðingur og blaðamaður á Skessuhorni. Á svæðinu verða víkingar og söngur en móttökuhópur skemmtiferðaskipa leikur listir sínar. Þá verða hoppkastalar, leikir í umsjón skáta, skemmtiatriði á vegum Stúlknasveitarinnar Kára, kökubasar Kvenfélagsins Gleym mér ei og Candyfloss og fleira góðgæti.

 

Í Stykkishólmi hefst skrúðganga frá Tónlistarskólanum að Plássinu í miðbænum kl. 13. Hátíðardagskráin hefst kl. 13.30 á torginu við Amtsbókasafn með tónlist í boði Lúðrasveitarinnar. Ræðumaður dagsins og ávarp fjallkonu eru þar á eftir en einnig verður helgistund og söngatriði. Kaffisala kvenfélagskvenna hefst á Hótel Stykkishólmi kl. 15 og kl. 15.30 verða leikir og létt gaman við Grunnskólann Borgarbraut. Það sem eftirtektarverðast er í hátíðardagskrá Stykkishólmsbúa er þó óvænt uppákoma sem verður kl. 17 á Íþróttavellinum.

 

Auk þeirra hátíða sem hér hafa verið taldar eru nokkrar á fámennari stöðum og í sveitum landshlutans.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is