Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. júní. 2010 09:01

Aftur beitt takmörkunum á tjaldstæðin á Írskum dögum

Bæjarráð Akraness hefur ákveðið að fara að tilmælum stjórnar Akranesstofu að sömu reglur gildi um tjaldsvæðið á Akranesi á Írsku dögunum núna og giltu á hátíðinni fyrir tveimur árum, það er sumarið 2008. Samkvæmt þeim verða ungmennum á aldrinum 18-23 ára ekki heimilaður aðgangur að tjaldsvæðinu, nema þá sem fjölskyldumeðlimum, foreldrum með börnum eða börnum með foreldrum, eins og Tómas Guðmundsson verkefnisstjóri hjá Akranesstofu orðaði það í samtali við Skessuhorn.  Tómas sagði að þessi regla hefði verið tekin upp fyrir hátíðina 2008 vegna reynslunnar af árinu á undan þar sem ástandið á tjaldsvæðinu var miður gott og miklar kvartanir bárust frá fjölskyldufólki.

 

 

Tómas segir að eftir að þessar hertu reglur voru harðlega gagnrýndar sumarið 2008 hafi aftur á hátíðinni í fyrra verið beitt almennum reglum varðandi umgengni á tjaldstæðum. „Það var samdóma álit gæslufólks og lögreglu að á tjaldstæðinu í fyrra hafi ástandið verið mjög eldfimt og of mörg dæmi verið um að fólk virti ekki þessar almennu umgengnisreglur, væri með háreisti eftir þann tíma sem ró skal vera komin á. Þetta gekk mjög vel þegar við hertum reglurnar í hitteðfyrra og við samanburð á tveimur síðustu hátíðum teljum við hiklaust ekki þorandi annað en fara aftur út í hertar reglur.“

Tómas segir að engu að síður verði öflug gæsla á tjaldsvæðinu, þar sem reynslan sýni að alltaf sé ákveðin viðleitni að komast inn á tjaldstæðið til að halda þar „partí“ eins og hann kallar það. „Við vonumst til að geta tryggt að hingað komi fjölskyldufólk á tjaldstæðið og njóti þar næði og öryggis,“ segir hann.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is