Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. júní. 2010 10:27

Hvalveiðarnar hófust í nótt

Fyrstu hvalirnir dregnir að landi fyrir ári síðan.
Hvalveiðivertíðin er hafin. Hvalveiðiskipin sem gerð verða út á vertíðina í sumar, Hvalur átta og níu, héldu bæði til veiða í gærkveldi, á miðin sem eru vestan við landið úti af Reykja- og Snæfellsnesi. Veiða má 175 langreyðar á vertíðinni, en inn í þeirri tölu eru 25 dýr sem eftir voru af kvótanum frá síðustu vertíð. Talið er að allur þessi kvóti geti náðst á næstu þremur mánuðum, verði aðstæður til veiða hagstæðar.   Tveir hvalir eru teknir á skip í hverri veiðiferð og sem fyrr er þeim landað í hvalstöðina í Hvalfirði, þar sem þeir eru flensaðir. Að sögn Gunnlaugs Fjólar Gunnlaugssonar stöðvarstjóra í Hvalfirði verða þar um 90 manns að störfum og 30-40 starfa í Heimaskagahúsinu á Akranesi, en kjötvinnslan fer fram á þessum stöðum. Þá verða tíu manns við störf í frystihúsi Hvals í Hafnarfirði, en þar er einnig unnið rengi og spik sem kemur af hvölunum.

Það eru því 160-170 manns sem starfa við veiðar og vinnslu á hval á vertíðinni. Gunnlaugur segir að ómögulegt sé að segja til um það hvenær fyrsti hvalurinn muni veiðast. Hann á allt eins von á því að það geti orðið í kvöld eða næstu nótt.

Hvalveiðiskipin eru bæði nýlega komin úr slipp og eru í toppstandi þrátt fyrir háan aldur, en Hvalur 8 er 62 ára og Hvalur 9 er 58 ára. Fjórtán eru í áhöfn á hvoru skipi, voru áður fimmtán, en vegna aukinnar sjálfvirkni í vélum skipanna hefur verið fækkað um einn vélstjóra um borð.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is