Forsíða
Auglýsing
Rss straumur af fréttum frá Skessuhorni
Lágnætti. Fjórði Óðinsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. júní. 2010 09:01

Ný Borgfirðingabók komin út

Borgfirðingabók, ársrit Sögufélags Borgarfjarðar 2010, kom út fyrir skömmu. Þetta er ellefti árgangur Borgfirðingabókar og sá sjöundi frá endurreisn útgáfunnar 2004. Í þessu nýja hefti bókarinnar er efni fjölbreytt; fjöldi frásöguþátta, ljóð bæði eldri og yngri höfunda, skyggnst í safn ungs ljósmyndara, greinar um skólastarf og tengd efni í héraðinu og annálar frá stjórnendum félaga í Borgarfirði. Ýmislegt fleira er í ritinu sem telur á þriðja hundrað blaðsíður.

Meðal frásöguþátta í þessu nýja riti má nefna minningarbrot um Jón Ásmundsson eftir Arndísi Þorvaldsdóttur, Snillingarnir á Sturlureykjum eftir Þorstein Þorsteinsson og þáttur um borgfirsku sönglagahöfundana Þorvald og Jón Blöndal eftir Trausta Jónsson, Ásgeir Sigurgestsson og Hallgrím Magnússon.

 

 

Í inngangi ritnefndar segir að sem fyrr sé leitast við að fjalla um ýmsa þætti borgfirskrar sögu og mannlífs. „Atburðir dagsins í dag eru saga á morgun og vilji menn forða þeim frá því að falla í gleymsku þarf að halda vitneskju um þá til haga. Margt um störf og viðfangsefni fólks á liðnum árum og öldum er að meira eða minna leyti týnt og gleymt vegna þess að ekki var hirt um að greina frá atburðarás, skrá lýsingu þeirra, hvernig verkum var hagað og hvaða verkfæri notuð. Í nýlegri skýrslu um orsakir bankahrunsins kemur fram að ótrúleg vanræksla var víða innan stjórn- og bankakerfisins um það að færa til bókar mikilvæg samskipti og afdrifaríkar ákvarðanir,“ segir m.a. í inngangi ritnefndar en hana skipa: Snorri Þorsteinsson formaður, Ásdís Helga Bjarnadóttir og Sævar Ingi Jónsson.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is