Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. júní. 2010 03:06

Telur úrskurð ráðuneytis í tölvumálum ólögmætan

Umboðsmaður Alþingis telur úrskurð samgönguráðuneytis frá 10. mars á síðasta ári vegna tölvumála Akraneskaupstaðar ekki í samræmi við lög. Róbert R. Spanó umboðsmaður telur óhjákvæmilegt að vegna þeirra annmarka sem eru á meðferð málsins að beina þeim tilmælum til samgöngu- og sveitarstjórnarráðuneytisins að það taki til endurskoðunar mál Eyjólfs R. Eyjólfssonar. Eyjólfur segist íhuga að fara fram á að málið verði tekið upp að nýju.

Umboðsmaður Alþingis er nýbúinn að skila áliti vegna kvörtunar sem Eyjólfur sendi vegna úrskurðar samgönguráðuneytisins frá 10. mars 2009. Í þeim úrskurði var hafnað kröfu Eyjólfs um að lýst yrði ólögmæt málsmeðferð Akraneskaupstaðar og ákvarðanir sveitarfélagsins vorið og sumarið 2008 um að bjóða ekki út tölvuþjónustu á vegum sveitarfélagsins. Í framhaldinu var síðan gengið til samninga við Tölvuþjónustuna SecurStore (TSS).

 

 

 

Umboðsmaður afmarkaði athugun sína fyrst og fremst við það hvort samgönguráðuneytið hafi gætt rannsóknarskyldu sinnar sbr. 10. grein stjórnsýslulaga, þegar það komst að þeirri niðurstöðu að nægjanlega hafi verið gætt að hæfisreglum sveitastjórnarlaga nr. 45 við meðferð málsins hjá Akraneskaupstað. Telur umboðsmaður sýnt að ráðuneytið hafi látið hjá líða að óska nægjanlegra upplýsinga um hæfi Gunnars Sigurðssonar forseta bæjarstjórnar og þá t.d. með því að beina fyrirspurn beint til hans hvor hann hafi haft vitnesku um afskipti Arnar sonar síns af TTS áður en upplýst var um kaup Arnars í fyrirtækinu 30. apríl 2008. Umboðsmaður bendir á að gögn í úrskurði ráðuneytisins sýni fram á að afskipti Arnar Sigurðssonar að TTS hafi byrjað tveimur mánum fyrr en upplýst var um kaupin, en þá í aprílmánuði hafi Gunnar faðir hans engu að síður tekið þátt í samþykktum fundargerða þar sem tölvumálin voru tekin fyrir á tveimur fundum. Telur umboðsmaður samgönguráðuneytið ekki hafa verið bært á þeim upplýsingum sem fyrir lágu að meta forseta bæjarstjórnar hæfan. „Með vísan til þess sem að framan er rakið er það niðurstaða mín að málsmeðferð og úrlausn samgönguráðuneytisins um hæfi forseta bæjarstjórnar Akraneskaupstaðar hafi ekki verið í samræmi við lög,“ segir umboðsmaður Alþingis. Hann beinir þeim tilmælum til samgöngu- og sveitarstjórnarráðuneytis að þess verði framvegis gætt í störfum ráðuneytisins að haga málsmeðferð sambærilegra mála í samræmi við þau sjónarmið sem rekin eru í álitinu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Umsókn um styrki 2020

Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is