Hundar þessa kyns geta haft mjög sterkar skoðanir.

Lögreglunni í Borgarfirði og Dölum var um liðna helgi tilkynning um tvo menn sem væru í hörku deilum og létu ófriðlega utan við fólksbíl við þjóðveginn sunnan Hafnarfjalls. Fór lögreglan á staðinn og kom þá í ljós að mennirnir tveir voru læstir úti og þriðji aðilinn, farþeginn í bílnum neitaði að opna og setti bara upp hundshaus, sama hvar þeir skömmuðust í honum. Náði lögreglan að opna bílinn og hleypa farþeganum út sem gelti þá án afláts enda feginn að komast út. Um var að ræða lítin Chihuahua hund sem hafði náð að læsa sig inni í bílnum og mennina tvo þar með úti. Komnar voru á fullar sættir á milli aðila þegar lögreglan yfirgaf vettvanginn.