Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. júlí. 2010 08:01

Heimagerð bæjarhátíð á Hellissandi

Frá hátíðinni 2008.
“Þetta er Sandara- og Rifsaragleði,” segir Drífa Skúladóttir skipuleggjandi Sandaragleðinnar 2010 en hún hefst á morgun, föstudag. “Hátíðin er byggð á gamalli hefð sem við tókum yfir og settum í fastar skorður árið 2004. Það var strax tekin ákvörðun um að hátíðin yrði haldin annað hvert ár og hefur það reynst vel. Þá hafa nágrannar okkar í Ólafsvík einnig tekið sig til og ákveðið að halda hátíðina sína, Ólafsvíkurvöku, annað hvert ár á móti okkur,” sagði Drífa í samtali við Skessuhorn.

 

 

 

 

Góð þátttaka íbúanna

“Hátíðin er öll heimagerð en við reynum að hafa sem fæst aðkeypt. Það sem er einnig merkilegt og einkennandi fyrir þessa hátíð er að nánast allur ágóði hennar rennur til góðra málefna. Súpan vinsæla sem verður til sölu í íþróttahúsinu á föstudaginn er fjáröflun fyrir nýja björgunarsveitarhúsið í Rifi en aðgangseyrir tónleikanna sem haldnir eru um kvöldin mun einnig renna til björgunarsveitarhússins. Á laugardagskvöldinu leikur heimahljómsveitin Ungmennafélagið fyrir dansi í Röstinni og rennur allur ágóði til Umf. Reynis,” sagði Drífa en hún segir hátíðina fyrst og fremst vera haldna fyrir heimamenn. “Við erum að skemmta okkur og gestir hátíðarinnar skemmta sér með okkur. Við erum ekki að fá fullt af fólki í bæinn og skemmta því. Við höfum gaman af þessu og íbúðar eru duglegir að taka þátt.”

 

Óhefðbundnar skreytingar

“Undanfarinn að hátíðinni er einnig mjög skemmtilegur. Nú eru allir á fullu að skipuleggja skreytingar en við skreytum á fimmtudaginn. Það er algjört leyndarmál hvernig hver og einn skreytir en við höfum ekki tekið upp þessar litaskreytingar sem einkennir svo margar bæjarhátíðir nú orðið. Yfirleitt taka göturnar sig saman og eru með eitthvað þema. Í minni götum vorum við til dæmis með villta vestrið síðast. Íbúar einnar götunnar hér í bæ eru nú á fullu að sauma eitthvað til að nota við skreytingar og er mikil forvitni í bæjarbúum hvað þeir eru að bralla. Við reynum að gera þetta á okkar eigin hátt. Sem dæmi má nefna opnu húsin í Lárusarhúsi, Ytra Vinaminni og Fögruvöllum þar sem fólk býður heim til sín. Gestir geta þá komið í þessi gömlu hús, skoðað og þegið kaffi og veitingar. Sögur um húsin og myndir af þeim eru einnig vel þegnar. Ég er mjög ánægð með dagskrána og það ættu allir að finna eitthvað við sitt hæfi,” sagði Drífa að endingu en dagskrá hátíðarinnar má finna í heild inni á vef Snæfellsbæjar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is