Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. júlí. 2010 07:01

Þorskkvótinn verður 160 þúsund tonn

Jón Bjarnason, sjávarútvegs- og landbúnaðarráðherra undirritaði fyrir helgi reglugerð um leyfilegan heildarafla næsta fiskveiðiár. Reglugerðin tekur að mestu mið af tillögum Hafrannsóknastofnunarinnar en þó eru á því nokkrar undantekningar svo sem að kvóti í ýsu verður 50 þúsund tonn í stað 45 þúsund tonna sem Hafró mælti með og ufsakvótinn verður 50 þúsund tonn í stað 40 þúsund tonna. Kvótinn í þorski verður 160 þúsund tonn næsta fiskveiðiár, eða 10 þúsund tonnum meiri en á yfirstandandi kvótaári, en samhljóma ráðgjöf Hafró. Ýsuaflinn verður samkvæmt þessu sjö þúsund tonnum minni en hann er á þessu fiskveiðiári. Kvóti flestra annarra fiskitegunda verður sá sami og á yfirstandandi fiskveiðiári.

Í frétt frá ráðuneytinu segir að ákvörðun heildaraflamarks að þessu sinni verði að skoða í ljósi þess að í gangi er vinna við endurskoðun á fiskveiðistjórnuninni. Starfandi sé vinnuhópur sem skila muni fljótlega af sér. “Tillögur hans, ákvæði samstarfsyfirlýsingar ríkisstjórnarinnar og vinna stjórnvalda og Alþingis í framhaldinu munu hafa í för með sér breytingar,” segir í tilkynningunni. Í viðtali við Guðbjart Hannesson formann vinnuhópsins í Morgunblaðinu í fyrradag kom fram að birting niðurstöðu vinnuhópsins muni dragast til 20. ágúst næstkomandi, en upphaflega stóð til að þeirri vinnu yrði lokið 1. júlí sl.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is