Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. júlí. 2010 11:45

Mikilvægur sigur í Kópavoginum

Hjörtur er kominn á skotskóna.
ÍA sýndi einn sinn besta leik í sumar þegar liðið lagði HK 0:2 í Kópavoginum á laugardaginn. Með sigrinum lyftu Skagamenn sér aftur upp í sjötta sæti deildarinnar, eru nú komnir með sextán stig, einu stigi meira en HK. Þessi félög höfðu sætaskipti í umferðinni á undan þegar HK lagi efsta lið deildarinnar Víkinga en ÍA gerði 1:1 jafntefli við KA fyrir norðan.  Skagamenn fengu óskabyrjun í Kópavoginum þegar Ragnar Leósson skoraði strax á sjöttu mínútu eftir sendingu frá Hirti J. Hjartarsyni. Skagamenn voru betra liðið í leiknum en urðu fyrir áfalli á 25. mínútu þegar Igor Pesic var vísað af velli eftir síðbúna tæklingu. Skagamenn tryggðu stöðu sína í leiknum enn frekar þegar Hjörtur J. Hjartarson skoraði glæsilegt skallamark strax á sjöttu mínútu seinni hálfleiks. Hjörtur skoraði einmitt markið í jafnteflisleiknum gegn KA sl. miðvikudagsvöld og virðist vera kominn á skotskóna.

Skagamenn héldu áfram völdum á vellinum þrátt fyrir að vera einum færri og HK-menn voru ekki virkilega ógnandi. Þegar stundarfjórðungur var til leiksloka kom Stefán Þór Þórðarson inná fyrir Hjört. Stefán svaraði kalli bróður síns Þórðar þjálfara þar sem framherjaskortur var hjá Skagamönnum þennan dag, Stefán Örn Arnarson fékk ekki frí frá störfum sínum í lögreglunni. Lokatölur í leiknum 2:0 fyrir ÍA.

Næsti leikur ÍA í deildinni verður á Akranesvelli nk. föstudagskvöld þegar lið Fjarðarbyggðar kemur í heimsókn. Á heimsíðu ÍA segir að óvíst sé um hvort Stefán Þór muni leika meira með ÍA-liðinu í sumar, en hann gaf aðeins kost á sér í þennan eina leik í bili að minnsta kosti.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is