Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. júlí. 2010 01:01

Sýningin Dalir og Hólar á fjórum stöðum

Þriðja sumarið er nú haldin myndlistarsýningin Dalir og Hólar við innanverðan Breiðafjörð en núna ber sýningin undirtitilinn „Ferðateikningar.“ Sýningin verður dagana 24. júlí til 8. ágúst á fjórum stöðum við innanverðan Breiðafjörð; í Ólafsdal, í gamla kaupfélaginu á Króksfjarðarnesi og að Nýp og Röðli á Skarðsströnd. Sjö listamenn eiga verk á sýningunni og eru tveir þeirra í sýningarstjórn: Kristinn G. Harðarson og Helgi Þorgils Friðjónsson auk Þóru Sigurðardóttur.  Að sögn Þóru Sigurðardóttur talsmanns listahópsins kallast sýningin núna á sýningarnar Dalir og Hólar 2008 og 2009 að því leyti að hún hefur að markmiði að taka þátt í mannlífi svæðisins, efna til samstarfs við heimamenn og leiða sýningargesti í ferðalag um þetta fjölbreytta og fallega svæði. Jafnframt laði sýningin fram ákveðna alþjóðlega hefð innan myndlistarinnar.

Þóra segir að það sem listamennirnir sýni megi kalla ferðateikningar; teikningar sem skrásetja eða segja frá ferðalagi á einhvern hátt - hugleiðing, hugmynd eða raunveruleg ferð.

„Grundvöllur sýningarinnar er þannig í anda ákveðinnar hefðar sem listamenn eins og Collingwood og Ásgrímur Jónsson voru hluti af svo dæmi sé tekið, en báðir gerðu þeir teikningar á ferðum sínum um landið. Við Breiðafjörð og í Dölum hafa margir listamenn sögunnar og samtíðarinnar slitið bernskuskóm eða unnið lífsverk sitt. Svæðið býr yfir fjölskrúðugri náttúru, fjölbreyttu dýralífi, menningu og sögu, sem enn er ótæmandi uppspretta nýrra verka og nýsköpunar í listum,“ segir Þóra en auk fyrrtalinna listamanna taka þátt í sýningunni Dalir og Hólar: Anna Guðjónsdóttir f. 1958, Anne Thorseth f. 1952, Dagbjört Drífa Thorlacius f. 1980, Kristín Rúnarsdóttir f. 1984 og  Þorri Hringsson  f. 1966.

 

Sýningin er styrkt af Menningarráði Vesturlands, Menningarráði Vestfjarða, Nýpurhyrnu, Ólafsdalsfélaginu, Kulturkontakt Nord og Statens Kunstråd í Danmörku.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is