Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. júlí. 2010 01:01

Reykholtshátíð gekk vel

Færri komust að en vildu á nokkur tónlistaratriðin sem í boði voru á Reykholtshátíð, sem lauk í gær. “Kór rússnesku Basilkirkjunnar kom sá og sigraði og komust færri að en vildu á þrenna tónleika kórsins. Sökum þess var boðið upp á aukatónleika í Reykjavík til að mæta óskum margra sem urðu frá að hverfa,” sagði Dagný Emilsdóttir dagskrárstjóri Snorrastofu í samtali við Skessuhorn. Hún segir að öll tónlistaratriði hafi verið vel sótt og dæmi um að bæði heimafólk og gestir sem dvöldu í Borgarfirði hafi sótt alla tónlistarviðburði hátíðarinnar, sem stóð í fimm daga. “Það var gríðarlega góð stemning í kringum þessa hátíð og allir sem lögðust á eitt til að hún yrði ánægjuleg; fólk og ekki síður veðurguðirnir sem voru í hátíðarskapi.

Hér bauð Fosshótel upp á glæsilegan hátíðarmatseðil og fullt var út úr dyrum í gömlu kirkjunni á sýningu Margrétar Ákadóttur á Hallveigu ehf.” Dagný segir að nú bjóði Reykhyltingar Auði Hafsteinsdóttur velkomna en hún tekur við stjórn Reykholtshátíðar í stað Steinunnar Birnu Ragnarsdóttur sem upphaflega kom hátíðinni á laggirnar og hefur stýrt henni síðan. “Auður er hagvön hjá okkur, en hún hefur komið fram á öllum Reykholtshátíðum,” segir Dagný.

 

Snorrahátíð framundan

Framundan er Snorrahátíð í Reykholti þar sem þess er minnst að tíu ár eru liðin frá opnun Snorrastofu og 15 ár frá því skrifað var undir stofnsamning vegna hennar. Miðvikudaginn 29. júlí og fimmtudaginn 30. júlí mun Snorrastofa í samvinnu við sendráð Noregs á Íslandi, bjóða upp á dagskrá sem nefnist Norsk-íslensk vinabönd. Fyrirlestrar, upplestur og tónlistaratriði eru meðal dagskráratriða. Norskir og íslenskir fyrirlesarar og rithöfundar munu þar koma fram.  Sjá nánar á www.reykholt.is 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is