Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. ágúst. 2010 08:03

Glimrandi gott golf

„Við byrjuðum með 78 þátttakendur en það eru svo margir unglingar sem vilja taka þátt í mörgum greinum að þeir verða að velja og þar urðu mikil afföll hjá okkur en við enduðum í  56 þátttakendum, sem eru svipuð afföll og urðu á síðasta unglingalandsmóti. Þetta er nokkuð sem við erum ekki alltof ánægð með því við viljum að fólk standi við sitt. Það tekur 5 klukkustundir í einu að keppa í golfi og þá geta þátttakendur ekki keppt í neinu öðru á meðan. Þeir sem standa fyrir keppnishópunum verða að gera sínum þátttakendum grein fyrir því að þeir geta ekki verið á tveimur stöðum í einu og það verður að velja og hafna. Það þarf að segja þeim sem stjórna mótshaldi frá því fyrir mót því það er erfitt að breyta þegar mótið er byrjað,” sagði Björgvin Óskar Bjarnason umsjónarmaður golfkeppninnar á Unglingalandsmóti UMFÍ í Borgarnesi.

Golfkeppnin stóð í tvo daga og var spiluð í þremur aldursflokkum beggja kynja. Þeir yngstu léku einn 18 holu hring og sú keppni kláraðist á fyrsta degi. Þar var fjölmennasti hópurinn og um leið mestu afföllin. Þeir eldri spiluðu í tvo daga. „Sumir spila hér glimrandi gott golf og mjög gaman að fylgjast með því hve krakkarnir ná góðum árangri. Þetta eru alvöru íþróttamenn,” segir Björgvin.

Hann sagði golfkrakkana koma allstaðar að af landinu. „Þó síst frá Vestfjörðum og Austurlandi en það eru margir af Norðurlandi og svo héðan af Vesturlandi og Suðvesturhorninu, Suðurlandi og Suðurnesjum, að vísu er enginn úr Vestmannaeyjum þeir hafa öðrum hnöppum að hneppa þessa helgi,” sagði Björgvin. Hann sagði völlinn frábæran og alla ánægða með hann. „Svo hefur veðrið bara leikið við okkur og helst að keppendum þætti of heitt á köflum.” 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is