Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. ágúst. 2010 10:04

Munu yfirfara úttekt á öryggismálum í Hvalfjarðargöngum

Ráðuneyti samgöngu- og sveitarstjórnarmála hefur kynnt sér efni úttektar samtakanna Euro TAP á öryggsmálum í Hvalfjarðargöngum. Þess ber þó að geta að engin kynning hefur farið fram á niðurstöðum skýrslunnar né heldur hefur hún verið send ráðuneytinu eða Vegagerðinni með formlegum hætti. Ráðuneytið telur þó mjög alvarlegt hve margar aðfinnslur koma fram í skýrslunni um ástand öryggismála í Hvalfjarðargöngum og mun yfirfara vandlega þau sjónarmið sem þar koma fram. Ráðuneytið telur afar mikilvægt að þeir aðilar, sem um þessi mál fjalla, vandi til verka og byggi mat sitt á eins áreiðanlegum forsendum og gögnum og mögulegt er. Það verður að vera hafið yfir allan vafa að Hvalfjarðargöng uppfylli allar þær öryggiskröfur sem gilda á evrópska efnahagssvæðinu um slík jarðgöng.

 

 

 

 

Ráðuneytið hefur jafnframt kynnt sér þá gagnrýni sem fram hefur komið hjá fyrirtækinu Speli á niðurstöðum skýrslunnar og framkvæmd úttektarinnar. Þar er því meðal annars haldið fram að slaklega hafi verið staðið að gerð úttektarinnar og að úttekt á vettvangi hafi einungis staðið í klukkustund. Vegagerðin mun á næstu dögum yfirfara allar ábendingar sem fram komu í skýrslu samtakanna um öryggismál í Hvalfjarðargöngum og meta gildi þeirra með hliðsjón af þeim öryggiskröfum sem gilda eiga um mannvirkið. Ráðuneytið mun í kjölfar þeirrar vinnu meta þörf fyrir frekari aðgerðir.

 

Samgöngu- og sveitarstjórnarráðherra, Kristján L. Möller, átti í gær fund með Hreini Haraldssyni, vegamálastjóra, um málið. Þar kom fram að þegar liggur fyrir úttekt Vegagerðarinnar á öryggismálum jarðganga sem eru í notkun hér á landi og samanburður við þær öryggiskröfur sem gerðar eru í reglugerð. Reglugerðin byggir á þeim kröfum sem settar eru í tilskipun Evrópusambandsins um öryggiskröfur fyrir jarðgöng í evrópska vegakerfinu. Á fundinum kom einnig fram að Vegagerðin gerði í kjölfar setningar reglugerðarinnar áætlun um endurbætur varðandi öryggismál jarðganga í vegakerfinu og undirbjó aðgerðaáætlun fram til ársins 2014 um það sem bæta þarf til að tryggja að öryggismál í jarðgöngum hér á landi séu að öllu leyti í samræmi við ákvæði reglugerðarinnar. Jafnframt liggur fyrir að Spölur vinnur eftir áætlun um úrbætur í öryggismálum fyrir Hvalfjarðargöng.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is