Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. ágúst. 2010 11:48

Stjórn LS gefur út óbreytt viðmiðunarverð að viðbættri vísitöluhækkun

Stjórn Landssamtaka sauðfjárbænda ákvað á fundi sl. mánudag að nýta heimild sína til að gefa út viðmiðunarverð á kindakjöti fyrir komandi sláturtíð.  Verðskráin hækkar um 5% frá fyrra ári sem er nánast það sama og hækkun vísitölu neysluverðs á tímabilinu. Fram hefur komið í fréttum að tveir sláturleyfishafar hafa þegar gefið út verðskrá fyrir komandi sláturtíð og gerir hún ráð fyrir lækkun kjötverðs frá fyrra ári sem nemur vísitölu síðustu 12 mánaða, þ.e. óbreytt verð í krónum talið.   “Sölusamdráttur varð á innanlandsmarkaði 2009. Á heildina litið hefur innanlandssala verið með svipuðu móti fyrstu sex mánuði þessa árs, en það sem af er sumri er þó betra en í fyrra.  Vegna stóraukins útflutnings hefur afsetning hinsvegar gengið mun betur en 2009.  Stjórnin telur því svigrúm til að hækka viðmiðunarverðið um sem nemur vísitöluhækkun og örlítið umfram það vegna almennra kostnaðarhækkana,” segir í tilkynningu frá LS.

 

 

 

Þá segir að fyrir liggur að ekki verður gerður samningur um birgðahald við sláturhúsin á komandi hausti.  “Stefnan er að greiða innleggjendum beint þá fjármuni sem húsin hafa fengið greidda vegna þess. Sláturhúsin sem þegar hafa gefið út verðskrá hafa lækkað verðskrá sína sem því nemur.  Verðskrá LS tekur einnig mið af því.  Það er þó gert með þeim fyrirvara að heimild sjávarútvegs- og landbúnaðarráðuneytisins fáist til að greiða fjármunina út með áðurnefndum hætti.  Verð á ærkjöti er þó ekki lækkað með sama hætti þar sem að stjórnin taldi verð þess orðið óásættanlega lágt.  Verðlagning á kindakjöti er frjáls en LS hefur heimild í búvörulögum til að gefa út viðmiðunarverð til bænda.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is