Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. ágúst. 2010 06:40

Hreppstjórinn féll frá kæru þa sem dauðarefsing lá við

Stefán Skarphéðinsson sýslumaður Mýra- og Borgarfjarðarsýslu segir enn unnið að rannsókn sauðaþjófnaðar sem kom í ljós í fyrstu viku þessa mánaðar á tveimur stöðum í umdæmi lögreglunnar í Borgarfirði og Dölum. Hann segir bagalegt að málin skuli ekki upplýsast og skorar á þá sem hugsanlega búa yfir vísbendingum að láta lögreglu vita.

Bóndi undir Eyjafjöllum las frétt Skessuhorns um sauðaþjófnaðinn og setti sig í samband við ritstjórn. Hann segir að fyrir nokkrum árum hafi komið upp mál á svæðinu sem gaman sé að rifja upp nú. Þannig háttaði til að þar í sveit tóku pörupiltar sig til og tóku tvö lömb traustataki í Þórsmörk.

Lömbin átti hreppstjórinn í Stóru Mörk. Lögregla stöðvaði strákana með lömbin á leið þeirra úr Þórsmörk. Hreppstjórinn og eigandi lambanna fór til sýslumannsins á Hvolsvelli þar sem hann vildi ekki sleppa drengjunum við þessi strákapör, vildi að þeir fengju í það minnsta sekt. Þá kom í ljós að dauðadómur við sauðaþjófnaði var enn í gildi í landinu, samkvæmt túlkun sýslumanns sem vafalaust hefur byggst á misskilningi, þar sem dauðarefsing var afnumin með öllu hér á landi árið 1928. Lagði því hreppstjórinn ekki í, af gæsku sinni þar sem hann vildi ekki láta reyna á lagabókstafinn sem sýslumaður byggði á, og lét kæru á hendur strákunum niður falla.

 

Þegar Skessuhorn bar það undir Stefán sýslumann í Borgarnesi hvort rétt væri, að téðir sauðaþjófar gætu átt von á dauðadómi ef ítrustu lögum yrði framfylgt, bjóst hann síður við því, en slíkt yrði væntanlega í höndum dómara að ákveða. Stefán rifjaði hins vegar upp að forfaðir hans, Björn Blöndal sýslumaður Húnvetninga, hafi verið síðasti sýslumaðurinn hér á landi til að framfylgja dauðarefsingu. Það gerði hann á Þrístöpum í Vatnsdalshólum í janúar 1830. Þá voru tekin af lífi Agnes Magnúsdóttir vinnukonu á Illugastöðum og Friðrik Sigurðsson bóndasonur frá Katadal. Þau höfðu verið dæmd til dauða fyrir morð á tveimur mönnum aðfararnótt 14. mars 1828, Nathani Ketilssyni bónda á Illugastöðum og Pétri Jónssyni frá Geitaskarði. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is