Forsíða
Auglýsing
Rss straumur af fréttum frá Skessuhorni
Miðdegi. Fjórði Laugardagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. ágúst. 2010 10:02

Dala-bríarí á Laugum í Sælingsdal

“Sunnudagskvöldið 22. ágúst nk. klukkan 20:30 ætlum við gestgjafarnir á Hótel Eddu að Laugum í Sælingsdal að bjóða til skemmtunar í íþróttahúsinu með hæfilegri blöndu af músík og mat. Þar munu leiða saman hesta sína matgæðingurinn Friðrik V., kokkur hótelsins Snorri V. og hljómsveitin Ljótu hálfvitarnir. Viðburðinn kjósum við að kalla Dala-bríarí, en allt var þetta ákveðið í mesta bríeríi,” segir í tilkynningu frá Hótel Eddu á Laugum í Sælingsdal. Ljótu hálfvitarnir eru að margra mati fyndnasta, gáfaðasta, fjölhæfasta og skemmtilegasta hljómsveit landsins og tónleikar hennar upplifun sem er engri annarri lík. Sjálfir segjast þeir þó bara vera níu misþroska vitleysingar úr Þingeyjarsýslunum, sem kunna mjög lítið í mjög mörgu. Þetta mun vera í fyrsta sinn sem þeir halda tónleika í Dölunum og því einstakt tækifæri til að berja þá augum og eyrum.

Friðrik V. er landskunnur fyrir meistaratakta í eldhúsinu en hann rak um árabil samnefndan veitingastað á Akureyri við góðan orðstýr. Hann hefur sérhæft sig í að töfra fram veisluföng úr því sem hvert hérað býður upp á og hefur verið ráðgjafi Edduhótelanna í þeim efnum. “Í eldhúsi Eddunnar í sumar höfum við lagt sérstaka áherslu á að hampa því sem héraðið býður upp á. Friðrik mun kynna ýmsar gómsætar gjafir náttúrunnar héðan úr Dölunum og þessa rétti verður svo hægt að kaupa á hóflegu verði á meðan á tónleikum Hálfvitanna stendur. Við erum sannfærð um að kvöldið verður ógleymanleg veisla fyrir augu, eyru, bragðlauka og hláturtaugar. Þessu má hreinlega enginn missa af.”

 

Verð á tónleikana er 2000 krónur en verð á matarskömmtum er mismunandi eftir réttum, en verður stillt í hóf. Hægt er að panta borð í síma 444-4930.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is