Skagamenn sigla lygnan sjó í 1. deildinni erfir 2:1 sigur gegn Njarðvíkingum suður frá sl. föstudagskvöld. ÍA er nú í 6. sæti deildarinnar með 25 stig mitt á milli toppliðanna í deildinni og þeirra í neðri hlutanum. Þrátt fyrir stigin þrjú í leiknum í Njarðvík var hann lítið fyrir augað og Skagaliðið oft spilað betur í sumar. Þeir gulklæddu byrjuðu með látum og strax eftir 30 sekúndna leik átti Gary Martin skot í stöng. Á 8. mínútu bætti Gary um betur þegar hann kom Skagamönnum yfir í leiknum með marki af stuttu færi eftir hornspyrnu. Martin var enn á ferðinni þegar hann breytti stöðunni í 2:0 á 25. mín. lagði þá boltann snyrtilega í netið eftir mistök í vörn heimamanna. Njarðvíkingar náðu síðan óvænt skömmu síðar að minnka muninn þegar Andri Fannar Freysson skoraði með skalla eftir aukaspyrnu.