Bandalag íslenskra græðara (BIG) heldur upp á tíu ára afmæli sitt um þessar mundir.  Félagið samanstendur af níu aðildarfélögum græðara sem stunda óhefðbundnar lækningar og hafa allir gengist undir lágmarks menntunarkröfur sem eru viðurkenndar af heilbrigðiskerfinu. Aðildarfélögin eru; Aromatherpyfélag Íslands, Craniosacralfélag Íslands, Organon - fagfélag hómópata, Cranio - félag höfuðbeina- og spjaldshryggsjafnara, Félag íslenskra heilsunuddara, Félag lithimnufræðinga, Samband svæða- og viðbragðsfræðinga á Íslandi, Shiatsufélag Íslands og Svæðameðferðarfélag Íslands. Einnig er bandalagið félagi í NSK sem er norræn samtök fólks sem vinnur við heildrænar meðferðir. Í samtökunum sitja fulltrúar regnhlífasamtaka frá öllum Norðurlöndunum á þessu sviði.