Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. september. 2010 08:01

Framkvæmdagleði í Snæfellsbæ

Miklar framkvæmdir hafa staðið yfir í allt sumar í Snæfellsbæ. Verið er að leggja lokahönd á viðbyggingu Dvalarheimilisins Jaðars en reiknað er með að hún verði klár eftir um tvær vikur. Þá á reyndar eftir að tengja saman nýja og eldra húsnæðið en gert er ráð fyrir að það taki um sex til átta vikur. Að sögn Kristins Jónassonar, bæjarstjóra Snæfellsbæjar, verður nýja húsið tekið í notkun í desember og þar með tólf ný hjúkrunarrými.  “Það er ýmislegt fleira í gangi í Snæfellsbæ. Nú er verið að loka Vatnsverksmiðjuhúsinu og lýkur því væntanlega í lok þessarar viku. Í Ólafsvík standa yfir hafnarframkvæmdir þar sem við erum að breikka og lengja svokallaðan Suðurgarð. Þetta er 30 milljóna króna verkefni sem verður unnið í skrefum.

Nýju vatnsbólin sem við erum að virkja í Gerðubergsdalnum fara að verða klár sem og sjóvarnirnar á Hellissandi. Þar er verið að lengja grjótvarnargarða sem voru þar fyrir. Í sumar höfum við lagt ríka áherslu á að laga og snyrta umhverfið í Snæfellsbæ og var Pakkhúsið í Ólafsvík til að mynda endurbætt utandyra. Þá erum við einnig að ráðast í það langþráða verkefni að leggja göngu- og hjólastíg milli Hellissands og Rifs. Þessi stígur hefur verið draumur margra til lengri tíma og verður brátt að veruleika,” sagði Kristinn Jónasson bæjarstjóri að lokum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is