Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. september. 2010 02:01

Tólf sveitarfélög skulda meira en tvöfaldar árstekjur sínar

Samkvæmt ársreikningum sveitarfélaga hér á landi eru 22 þeirra með skuldir umfram viðmiðun eftirlitsnefndar með fjármálum sveitarfélaga í A hluta reikningsskilanna, þ.e. yfir 150% af heildartekjum. 30 sveitarfélög eru hins vegar á lista þar sem skuldsetning er mikil bæði á A og B hluta sveitarsjóða. Peningaleg staða þessara sveitarfélaga er þó mjög misjöfn vegna peningalegra eigna sem kunna að nýtast á móti skuldum. Á árinu 2009 var rekstrartap á A hluta hjá 38 sveitarfélögum í landinu. Eftirlitsnefnd hefur sent 12 sveitarfélögum aðvörun vegna skuldsetningar og/eða slæmrar rekstrarafkomu og óskað eftir upplýsingum um hvernig sveitarstjórnir hyggjast bregðast við fjárhagsvanda sveitarfélaganna.  Jafnframt hefur nefndin óskað eftir endurskoðaðri fjárhagsáætlun til næstu þriggja ára frá þessum sveitarfélögum.

Um er að ræða sveitarfélög þar sem skuldir og skuldbindingar sem hlutfall af heildartekjum er umfram 200%. Sveitarfélögin eru Reykjanesbær, Vogar, Sandgerðisbær, Fjarðabyggð, Grundarfjarðarbær, Hafnarfjörður, Fljótsdalshérað, Kópavogur, Vestmannaeyjar, Djúpivogur, Árborg og Stykkishólmur. Skulda þau öll yfir tvöfaldar árstekjur, Reykjanesbær og Álftanes mest þar sem sveitarfélögin skulda fjór- og fimmfaldar árstekjur sínar.

 

 

Á næstu dögum mun Eftirlitsnefndin senda um 10 öðrum sveitarfélögum aðvörun og óska eftir upplýsingum um aðgerðir til að draga úr skuldsetningu og til að bæta rekstrarafkomu. Eru það sveitarfélög  þar sem skuldir og skuldbindingar sem hlutfall af heildartekjum er á bilinu 150-200%. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is