Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. september. 2010 09:01

Rallað verður um Snæfellsnes á morgun

Snæfellsnesrallið, næstsíðasta keppnin á Íslandsmótinu í rallakstri 2010, fer fram á morgun og verður þá rallað vítt og breitt um Snæfellsnes. Vænst er þátttöku allra bestu rallímanna ársins og einnig taka þátt ökumenn frá Snæfellsnesi sem tekið hafa þátt í rallkeppnum í sumar. Þar á meðal verður Þorkell Símonarson vert á Langaholti í Staðarsveit, en þar endar keppnin einmitt á laugardag. Á Langaholti verður tekið á móti keppendum og gestum með kostum og kynjum og þar fer verðlaunaafhending fram.

 

 

 

 

Staðarsveitungar eiga vaska sveit í rallíinu sem tekið hefur þátt í öllum keppnum sumarsins. Það eru nýliðarnir og frændurnir Einar Sigurðsson á Bjarnarfossi og Símon Grétar Rúnarsson í Böðvarsholti. Þeir hafa staðið sig með sóma þrátt fyrir nokkuð basl og byrjunarerfiðleika, þar sem m.a. bíllinn bilaði í fyrstu tveimur keppnunum, en þeir félagar bættu það upp með góðum árangri í síðustu tveimur keppnum. Þeir Einar og Símon Grétar eru núna í 7. sæti í heildarkeppninni í Íslandsmótinu, en efstir í keppni um nýliða ársins. Frændurnir hafa með sér gott þjónustulið sem hefur staðið vaktina og stutt þá með ráðum og dáð. Auk þeirra sem hér hafa verið nefndir tekur Páll í Nesbyggð þátt í rallinu.

 

Íbúar á Snæfellsnesi eru hvattir til að fylgjast með keppninni á laugardaginn, þegar rallíkapparnir fara um svæðið. Það verður ræst klukkan 14 og eknar fyrst tvær umferðir um Berserkjahraun. Þá liggur leiðin um Jökulháls en auk þess er sérleið um Eysteinsdal og niður hálsinn til Ólafsvíkur. Síðasta sérleið rallsins, af alls níu sem eknar verða á Snæfellsnesi, verður farin klukkan 22 um kvöldið á Breiðinni. Stjórnstöð rallíkeppninnar verður í Átthagastofunni í Ólafsvík en þar geta áhugasamir nálgast nánari upplýsingar um sérleiðir og annað sem viðkemur keppninni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is