Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. september. 2010 06:40

Brúðkaup strax eftir að brúðguminn kom úr leit

Segja má að brúðkaup hafi farið fram við nokkuð óvenjulegar aðstæður síðasta laugardag þegar brúðhjón létu gefa sig saman í hraunbala við Fljótstungurétt í Hvítársíðu. Þar voru gefin saman Guðmundur Ingi Þorvaldsson leikari frá Brekkukoti í Reykholtsdal og Heiða Aðalsteinsdóttir landslagsarkitekt frá Eilífsdal í Kjós. Séra Geir Waage sóknarprestur í Reykholti gaf brúðhjónin saman, nokkrir af betri söngvurum Borgarfjarðar sungu og tveir harmonikkuleikarar spiluðu, þeir Viðar Guðmundsson organisti og Þorvaldur Jónsson faðir brúðgumans.

Athöfnin var um margt óvenjuleg en umfram allt hátíðleg.  Sjálfur brúðguminn var að koma úr þriggja daga leit á Arnarvatnsheiði en gaf sér þó tíma til að klæðast þjóðbúningnum. Brúðurin var í skautbúningi og saman gengu verðandi hjón í þéttri rigningu að hraunbala sem þau höfðu valið fyrir athöfnina. Þar sem safnið kom seint niður af fjalli var tekið að skyggja þegar athöfnin gat farið fram. Þá rigndi einnig töluvert, en það er jafnan sagt boða mikla gæfu þegar brúðkaup fer fram í rigningu. Að lokinni athöfn var haldið niður í sveit þar sem í boði var hefðbundinn réttarmatur; kálbögglar að hætti Lóu í Brekkukoti.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is