Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. september. 2010 08:01

Helgiganga á Gufuskálum og ,,keltnesk” messa á Ingjaldshóli

Sunnudaginn 19. september nk. verður efnt til helgigöngu á Gufuskálum og messu í Ingjaldshólskirkju.  Eftir stutta helgistund í kirkjunni sem hefst kl. 12. verður ekið í rútu að svokölluðum fiskibyrgjum við Gufuskála og gengið með keltneskan sólkross að einu byrgjanna og þar haldin stutt helgistund með keltnesku ívafi.  Ýmsir telja líkur á því að þessi byrgi séu eldri en talið hefur verið og geti verið leifar af íverustöðum keltneskra einsetumanna sem voru í slíkum býkúbulaga steinbyrgjum á afskekktum stöðum á Írlandi og Skotlandi en höfðu jafnframt samfélag sín á milli.

Frá byrgjunum verður ekið að Írskra brunni, svo sem fært er, og gengið að honum með krossinn og haldin þar helgistund. Þaðan verður gengið að sérstæðum steinhleðslum niður við flæðarmál þaðan sem róið var forðum út á sjó. Lögun steinhleðslunnar gæti bent til fornrar kirkju. Þar fer einnig fram stutt helgistund. Síðan verður ekið aftur að Ingjaldshólskirkju þar sem messa hefst kl. 14.   

 

Leiðsögumenn í göngunni verða þeir Skúli Alexandersson, Sæmundur Kristjánsson og dr. Pétur Pétursson.  Sr. Gunnþór Þ. Ingason, prestur á sviði þjóðmenningar annast helgistundir göngunnar. Sr. Ragnheiður Karítas Pétursdóttir, sóknarprestur, þjónar fyrir altari í Ingjaldshólskirkju ásamt sr. Gunnþóri sem mótar helgihaldið með fornu keltnesku trúarefni. Heimamenn munu lesa ritningarlestra.  Nanna Þórðardóttir leikur á orgel og stjórnar Kór Ingjaldshólskirkju er leiðir safnaðarsöng. Eftir messu er verður kaffi í safnaðarheimili kirkjunnar í umsjá foreldra fermingarbarna. Þar mun sr. Gunnþór fjalla í stuttu máli um heilagan Patrek, postula Íra.

 

Ingjaldshólskirkja, Átthagastofa Snæfellsbæjar, Þjóðgarðurinn Snæfellsjökull, lista og menningarnefnd Snæfellsbæjar og Starfshópur þjóðkirkjunnar um helgistaði á föruleiðum standa að þessu sérstæða helgihaldi sem tengir saman þjóðmenningu og sögu, trú og land.  Dagskráin er fjölskylduvæn og ánægjulegt væri að sem flestir tækju þátt í henni.

-fréttatilkynning.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is