Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. september. 2010 03:05

Sælir eru sauðir og blessaðir því þeir munu landið bíta!

“Í samræmi við ályktun frá Landssamtökum fjárfesta og vegna stigvaxandi þrýstings frá ýmsum hagsmunasamtökum, svo sem ESB, BSRB, ADSL, SMS, MSN, LSD, breska fjármálaráðuneytinu, Samtökum sláturleyfishafa í Suður Wales, Félagi hollenskra innistæðueigenda og Lögreglukórnum, hefur verið ákveðið að halda Sauðamessu í Borgarnesi laugardaginn 9. október á þessu ári. Að messunni standa áhugamenn um almennan sauðshátt og sauðfjárbændur í Borgarfirði og á Mýrum.” Þannig hljóðar tilkynning sem borist hefur fjölmiðlum um væntanlega Sauðamessu í Borgarnesi.  Messuhald verður með hefðbundnu sniði en boðið er upp á ýmsar nýjungar, svo sem lopamaraþon, taðkögglarallý, keppni í skítkasti og fleira.

Að venju hefst Sauðamessa klukkan eitt þrjátíu eftir hádegi á fjárrekstri eftir Borgarbrautinni að Skallagrímsgarði þar sem rétt þótti að hafa rétt.  Dagskráin fer síðan fram í og við garðinn.  Á sviðinu verður ærleg dagskrá fram eftir degi, sauðamarkaðurinn verður á sínum stað í sölutjöldum og boðið verður upp á kjötsúpu fyrir alla íbúa veraldar. Þá gefst gestum mögulega kostur á að bregða sér á bak gangnahestum og kannski að fara á rúntinn í heyvagni.

 

Heiðursgestur hátíðarinnar verður Guðbjartur Hannesson velferðarráðherra enda er velferð þjóðarinnar komin undir velferð sauðkindarinnar. Allir velunnar íslensku sauðkindarinnar eru boðnir velkomnir á hátíðina en ærlegur klæðnaður er áskilinn.

 

Nánari upplýsingar verða veittar við innganginn, varðandi sölubása þá eru upplýsingar veittar í síma 892-1780 og netfang: hlediss@gmail.com

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is