Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. september. 2010 11:45

Áhugasamir hvattir til þátttöku í kaupum á Límtré Vírneti

Vinnuhópur um kaup heimamanna á Límtré – Vírneti ehf, sem nú er í eigu Landsbanka Íslands, hefur auglýst eftir áhugasömum fjárfestum á starfssvæði fyrirtækisins í Borgarnesi og nágrenni. Bankinn hefur kynnt að fyrirtækið fari í söluferli í þessum mánuði. Þá hafa Borgfirðingar einnig leitað til uppsveitamanna á Suðurlandi um þátttöku í verkefninu, enda er tvær starfsstöðva fyrirtækisins þar. Eins og fram hefur komið í fréttum Skessuhorns var vinnuhópurinn skipaður á íbúafundi sem fram fór í Borgarnesi í  lok ágúst, þar sem kynnt var að Lansbankinn hyggst selja fyrirtækið. Vinnuhópurinn er nú að kanna hvort áhugi og vilji sé til staðar meðal íbúa í Borgarfirði til að taka þátt í kaupum á Límtré-Vírneti ehf. með það að markmiði að eignarhald á þessu rótgróna félagi færist aftur að verulegu hluta í hendur heimamanna.

Í vinnuhópnum eru fimm manns. Guðsteinn Einarsson er formaður en auk hans eru í stjórn þau Pétur Geirsson, Heba Soffía Björnsdóttir, Jón Haraldsson og Kristmar Ólafsson. “Nú er vinnan komin á það stig að hópurinn vill leita til íbúa, fyrirtækja og annarra aðila í héraði, með hversu miklar fjárhæðir aðilar eru tilbúnir til að leggja fram sem hlutafé. Á þessu stigi er ekki um skuldbindingu að ræða, ekki er hægt að koma fram með raunhæfar forsendur til kaupa á félaginu fyrr en gögn um það hafa verið gerð aðgengileg,” segir Guðsteinn Einarsson formaður vinnuhópsins í samtali við Skessuhorn. Hann segir að þær stærðir sem um hafi verið rætt geri ráð fyrir að safna þurfi 200 til 300 milljónum króna. “Við erum að vonast til að fá nokkra öfluga fjárfesta í hópinn, bæði sem hluthafa og til að leiða fyrirtækið. Okkar markmið er annars vegar að verja með ráðum og dáð þau fyrirtæki sem hér starfa og veita atvinnu. Því er um nokkurs konar varnarbaráttu að ræða. Fyrst og fremst viljum við þó byggja upp og styrkja fyrirtækin hér á svæðinu þannig að þau skili arðsömum rekstri. Fjárfestar munu ekki koma með nýtt hlutafé til þess eins að viðhalda atvinnu, heldur ætlast þeir til að fá arð út úr fjárfestingu sinni,” segir Guðsteinn.

 

Vinnuhópurinn hefur sig í samband við uppsveitarmenn á Suðurlandi þar sem starfsemi Límtrés er einnig bæði á Flúðum og í Reykholti í Biskupstungum. Á þeim slóðum er áhugi fyrir þátttöku og samstarfi með Borgfirðingum um verkefnið.

Hægt er að skrá vilja sinn til þátttöku í verkefninu með því að fara inn á vef Samtaka sveitarfélaga á Vesturlandi; www.ssv.is. Þar er gert ráð fyrir lágmarkshlut 100 þúsund krónum hafi fólk áhuga á að skrá sig fyrir hlutafé.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is