Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. september. 2010 01:15

Greip þjófana við túnfótinn

Kristberg Jónsson verslunarstjóri í söluskálanum Baulunni í Borgarfirði hafði snör handtök í hádeginu á sunnudag þegar hann stöðvaði þjófagengi sem stal peningum úr kassa verslunarinnar, meðan það var afgreitt með bensín á bílinn. Fimm ungmenni voru þarna á ferð, þrír piltar og tvær stúlkur, sem voru ekki að flýta sér meira af vettvangi en svo að þau gáfu sér tíma til að tína sveppi á næstu lóð við Baulu.

Kristberg segist sjálfur ekki hafa verið á staðnum þegar stolið var úr kassanum, en unglingar við afgreiðslu hefðu veitt því eftirtekt og náð bílnúmerinu. Kristberg brást skjótt við og væddur hafnarboltakylfu fór hann að svipast eftir bílnum sem stóð þá skammt frá söluskálanum og fólkið að tína sveppi í rólegheitum. Kristberg náði ásamt aðstoðarmanni að smala hópnum saman rétt í þann mund sem lögreglan kom á vettvang og handsamaði þá fingralöngu, þannig að peningarnir skiluðu sér í kassa söluskálans að nýju. Kristberg sagðist í samtali við Skessuhorn ætla að leggja fram kæru vegna málsins og ef lögreglan hefði verið aðeins seinna á ferðinni hefði hann trúlega sett þetta vandræðafólk ofan í djúpan skurð sem þarna var og látið það dúsa þar, hann hafi verið svo rosalega reiður.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is