Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. september. 2010 02:10

Hafnasambandsþing stendur nú yfir í Stykkishólmi

Hafnasambandsþing er að þessu sinni haldið í Stykkishólmi og fer það fram í fimmtudag en lýkur á morgun. Meðal frummælenda á þinginu verður Ögmundur Jónasson samgönguráðherra. Þá fjalla þeir Smári Geirsson, formaður nefndar um fjárhagsvanda hafna og Gunnlaugur A. Júlíusson, sviðsstjóri hjá Sambandi íslenskra sveitarfélaga, um fjárhagsvanda hafna. Þrír umræðuhópar eru starfandi á þinginu. Hópur eitt ræðir um fjárhag hafna og leiðir til lausna, hópur tvö um samstarf við eigendur, stofnanir og viðskiptavini og hópur þrjú fjallar um þátttöku hafna í atvinnustarfsemi og tækifæri til rekstrar hafna.

 

 

 

Þá verða starfandi þrjár starfsnefndir: Í fyrsta lagi allsherjarnefnd sem fjallar um skýrslu stjórnar þ.m.t. umhverfismál, vigtarmál o.fl., samstarf við eigendur, stofnanir og viðskiptavini auk annarra mála sem tekin eru fyrir á þinginu svo sem strandflutningar og starfsemi Siglingastofnunar. Í öðru lagi fjárhagsnefnd sem fjallar um ársreikninga HÍ, fjárhagsáætlun og fjárhag hafna, erindi Gunnlaugs Júlíussonar og Smára Geirssonar um fjárhag hafna. Í þriðja lagi fjallar Þróunarnefnd um lagaumhverfi hafna, þátttöku hafna í atvinnustarfsemi og tækifæri í rekstri hafna auk annarra mála sem tekin eru fyrir á þinginu svo sem ræðu samgönguráðherra, viðhorf útgerðarmanns og íslenskar hafnir og ESB.

 

Í lok þingsins verður kosin stjórn og varastjórn Hafnasambands Íslands til tveggja ára, kosinn formaður stjórnar sambandsins til tveggja ára sem og skoðunarmenn og varamenn verða kjörnir. Þá verður tekin ákvörðun um næsta hafnasambandsþing 2012 og hafnafund 2011.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is