Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. september. 2010 07:01

Leitað verður nýrra samninga um kútterinn

Í undirbúningi er að leitað verði nýrra samninga um endurgerð Kútters Sigurfara við menntamálaráðuneytið. Núverandi samningur um 60 milljóna króna styrk frá ráðuneytinu til verkefnisins byggist á þeim kvöðum að kútterinn verði gerður haffær. Stjórn Akranesstofu hefur ákveðið að skipuð verði framkvæmdanefnd sem hafi með endurgerð kúttersins að gera. Það verði verkefni þeirrar nefndar að móta tillögur um framtíð kúttersins og mögulega endurgerð hans á þann veg sem sátt er um. Meðal annars með nýjum samningi við menntamálaráðuneytið sem létti af  kvöðinni um að Sigurfari verið gerður sjófær, en slíkt er mun kostnaðarmeira en að skipið verði endurgert sem sýningargripur. Áætlað hefur verið að Sigurfari sjófær kosti á þriðja hundrað milljónir króna.

 

 

 

Tómas Guðmundsson, verkefnisstjóri Akranesstofu, sem hefur með málefni byggðasafnsins og kúttersins að gera, segir að vilji manna standi til þess að ráðist verði sem allra fyrst í endurgerð kúttersins, enda sé fyrir löngu orðið aðkallandi að hefjast handa. Ástand skipsins sé orðið þannig á sýningarsvæðinu að umferð út í það er ekki leyfð og kútterinn sé hreinlega að grotna þar niður.

Á síðasta fundi stjórnar Akranesstofu kom fram tillaga um skipan framkvæmdanefndar um endurgerð Kútters Sigurfara og fjallað um erindisbréf nefndarinnar. Lagt er til að í nefndinni verði Jóhann Ársælsson, Gísli Gíslason, Haraldur Sturlaugsson og fulltrúi safnageirans auk fulltrúa Hvalfjarðarsveitar. Stjórn Akranesstofu lagði til á fundinum að bæjarráð Akraness og sveitarstjórn Hvalfjarðarsveitar samþykki skipan nefndarinnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is