Forsíða
Auglýsing
Rss straumur af fréttum frá Skessuhorni
Miðaftann. Fjórði Óðinsdagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. október. 2010 11:01

Íbúðalánasjóði verði heimilað að leigja íbúðir með ákvæði um kauprétt

Ríkisstjórnin samþykkti á fundi sínum fyrir síðustu helgi að leggja fyrir Alþingi frumvarp Guðbjarts Hannessonar, félags- og tryggingamálaráðherra, til laga um breytingar á lögum um húsnæðismál. Í frumvarpinu eru lagðar til breytingar sem heimila Íbúðalánasjóði að bjóða til leigu íbúðir sem sjóðurinn hefur keypt á uppboði þannig að tilteknir húsaleigusamningar verði með kauprétti. Miðað er við að umsamin húsaleiga taki ávallt mið af markaðsleigu á viðkomandi stað. Ekki er gert ráð fyrir því að leigjanda sé skylt að nýta sér kauprétt heldur verði honum það í sjálfsvald sett. Nánari ákvæði um fyrirkomulag kaupleigu verður sett í reglugerð.

„Ég bind vonir við að þetta ákvæði muni auka verulega húsnæðisöryggi þeirra sem eru illa staddir fjárhagslega og að með þessu opnist fólki sem misst hefur húsnæði á uppboði möguleiki á því að eignast húsnæði á nýjan leik“ segir Guðbjartur Hannesson, félags- og tryggingamálaráðherra.

 

Auk þessa er lagt til að Íbúðalánasjóði verði heimilt að gefa út óverðtryggða skuldabréfaflokka og eins er lagt til að heimildir sjóðsins til að veita lán til endurbóta á fjöleignarhúsum og til að bæta aðgengi að húsnæði fyrirtækja og stofnana verði víkkaðar. Gert er ráð fyrir að þessar breytingar hleypi auknu lífi í byggingaframkvæmdir og fjölgi störfum.  Með víðtækari heimildum Íbúðalánasjóðs til að fjármagna stórfelldar breytingar á fjölbýlishúsum, sem geta til dæmis falist í hönnun og uppsetningu á lyftum, er þess vænst að búsetufrelsi fólks aukist til muna. Búseta í heimahúsi geti þannig orðið raunverulegur valkostur við stofnanaþjónustu fyrir aldraða og fólk með hreyfihömlun.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is