Forsíða
Auglýsing
Rss straumur af fréttum frá Skessuhorni
Miðaftann. Þriðji Mánadagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. október. 2010 09:49

Ráðstefnan Björgun 2010 haldin um helgina

“Spár gera ráð fyrir auknum hamförum í veröldinni á næstu árum og áratugum, ekki síst vegna breytinga á veðurfari í kjölfar hnattrænnar hlýnunar. Viðbragðsaðilar víða um heim, sem og alþjóðlegar stofnanir í mannúðarstarfi, búa sig undir stóraukin verkefni af þessum sökum,” segir í upphafi kynningar Landsbjargar á ráðstefnu sem hefst í dag og nefndist Björgun 2010. Ráðstefnan er um leitar- og björgunarmál . Þar verður einn fyrirlestrasalur af fjórum helgaður alþjóða björgunarstörfum, einkum og sér í lagi jarðskjálftunum á Haiti í janúar 2010. Fjöldi erlendra sérfræðinga verður með erindi á ráðstefnunni, þ.m.t. Jesper Lund sem er stjórnandi UNDAC teymis Sameinuðu þjóðanna en það samhæfir aðgerðir stofnana SÞ á skaðasvæðum.

 

 

 

Opnunarfyrirlestur ráðstefnunnar verður um för Íslensku alþjóðabjörgunarsveitarinnar til Haiti í janúar sl. en hann flytja Ólafur Loftsson og Gísli Ólafsson, tveir af stjórnendum sveitarinnar.  

 

Nýr stjórnstöðvarbíll

Í hádeginu í dag verður nýr stjórnstöðvarbíll svæðisstjórnar björgunarsveita á höfuðborgarsvæðinu tekinn formlega í notkun. Bílnum, sem er færanleg aðgerðastjórnstöð, hefur verið breytt til að mæta ítrustu kröfum um slíkar stöðvar og er afar vel tækjum búinn. Fjölmiðlum gefst kostur á að skoða bílinn og fræðast um útbúnað hans í hádeginu.  

 

Ráðstefnan Björgun 2010 stendur yfir í þrjá daga, frá föstudegi til sunnudags og eins og fyrr segir eru fjórir fyrirlestrarsalir í gangi allan tímann.  Um 400 gestir taka þátt í ráðstefnunni og viðburðum tengdum henni.

Nánari upplýsingar um ráðstefnuna, dagskrá hennar og fyrirlestra má finna á heimasíðu Slysavarnafélagsins Landsbjargar, www.landsbjorg.is

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is