Forsíða
Auglýsing
Rss straumur af fréttum frá Skessuhorni
Lágnætti. Fjórði Óðinsdagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. október. 2010 10:32

Útvegsmenn á Snæfellsnesi mótmæla samráðsleysi ráðherra

Á aðalfundi Útvegsmannafélags Snæfellsness, sem haldinn var í Grundarfirði sl. þriðjudag var samþykkt ályktun þar sem ýmsum embættisfærslum Jóns Bjarnasonar er mótmælt. Þar segir:

„Aðalfundur Útvegsmannafélags Snæfellsness mótmælir þeim fáheyrðu vinnubrögðum sem Jón Bjarnason sjávarútvegs-ráðherra hefur viðhaft í fjöldamörgum málum sem lúta að stjórnun fiskveiða. Ráðherra hefur í öllum málum hunsað fullkomlega allt sem heitið gæti samráð við atvinnugreinina. Sem dæmi má nefna lokun stórra veiðisvæða fyrir dragnót. Engar haldbærar rannsóknir hafa leitt í ljós annað en að dragnótin sé skaðlaust veiðarfæri hvað varðar botndýralíf og hafsbotn. Ummæli ráðherra á aðalfundi Landssamtaka smábátaeigenda um að hann sé stoltur af þessum lokunum og að hann undirbúi lokanir enn stærri svæða vekja ugg í brjóstum fólks á Snæfellsnesi enda hafa dragnótaveiðar verið ein af meginstoðum útgerðar á svæðinu.

Ákvörðun sjávarútvegsráðherra um að gefa frjálsar rækjuveiðar er svo annað dæmi, þar sem ráðherra gengur gegn öllum hagsmunasamtökum og vílar ekki fyrir sér að gerast lögbrjótur í ofanálag.

Þessi tvö dæmi eru í hróplegu ósamræmi við uppáhaldsstef stjórnvalda um „norræna velferðarstjórn“ þar sem dragnóta- og rækjuútgerðir greiða hæsta hlutfall launa af aflaverðmæti sem þekkist á landinu. Á sama tíma hampar ráðherra sérstaklega útgerðarmönnum smábáta, sem neita að gera kjarasamninga við sitt starfsfólk og greiða lægsta hlutfall launa af aflaverðmæti sem þekkist í útgerð á Íslandi.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is