Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. nóvember. 2010 11:01

Snæfell á toppinn í deildinni

Snæfell komst á topp IE-deildar karla með sigri á Tindastóli sl. fimmtudagskvöld. Snæfellingar þurftu að hafa mikið fyrir þessum sigri og máttu þakka fyrir að fara með tvö stig frá Króknum. Tindastólsmenn, sem enn eru án stiga og á botni deildarinnar, voru greinilega orðnir hungraðir í fyrsta sigurinn og veittu Íslands- og bikarmeisturunum mjög verðuga keppni. Það var betri varnarleikur Snæfells en í leiknum á undan, gegn KFÍ, sem skóp fyrst og fremst sigur þeirra.  Leikurinn var mjög sveiflukenndur framan af. Tindastólsmenn byrjuðu betur og voru með þokkalegt forskot eftir fyrsta leikhluta. Snæfell rétti sinn hlut verulega í öðrum hlutanum og var með sex stiga forystu í leikhléi 50:44.

Tindastólsmenn bitu frá sér allan seinni hálfleikinn og voru með frumkvæðið drjúgan hluta hans. En það var reynsla og seigla gestanna sem fleytti þeim yfir erfiðasta hjallann og loks uppskáru þeir sigur 94:92 í hörkuspennandi leik.

 

Ryan Amaroso var stigahæstur hjá Snæfelli með 24 stig og 7 fráköst. Jón Ólafur Jónsson skoraði 21 stig, tók 6 fráköst og átti 5 stoðsendingar. Pálmi Freyr Sigurgeirsson skoraði 19 stig, tók 5 fráköst og átti jafnmargar stoðsendingar. Sean Burton gerði 16 stig, Egill Egilsson, Emil Þór Jóhannsson og Atli Hreinsson skoruðu 4 stig hvor og Kristján Andrésson 2 stig. Hjá Tindastóli var Josh Rivers stigahæstur með 25 stig og Friðrik Hreinsson skoraði 22 stig.

 

Næsti leikur Snæfells verður í Hólminum gegn Grindavík fimmtudagskvöldið 11. nóvember, en hlé verður nú gert á deildarkeppninni vegna leikja í Powerade bikarkeppninni.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is