Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. nóvember. 2010 07:01

Norðurljósin tendruð í Stykkishólmi í kvöld

Norðurljósin, menningarhátíð í Stykkishólmi, verða haldin í fyrsta sinn nú um helgina. Hátíðin hefst með opnunartónleikum kl. 20 í kvöld, fimmtudag með dagskrá í umsjón Jóseps Blöndals í Stykkishólmskirkju. Auk Jóseps munu Elísa Vilbergsdóttir, Guðmundur "Papa Jazz" Steingrímsson, Björn Ingimar Blöndal, Laszló Petö og fleiri koma fram. Norðurljósin er fjögurra daga menningarhátíð og mun því standa fram á sunnudag. Dagskráin er full af fjölbreyttum viðburðum og þess má geta að frítt er í sundlaugina í Stykkishólmi á föstudag, laugardag og sunnudag í tilefni hátíðarinnar.

 

 

 

 

Stútfull dagskrá

Fjölmargir tónlistarviðburðir verða um helgina; hljómsveitin Draugabanarnir verða með unglingaball á föstudeginum í íþróttahúsinu og stórdansleik ásamt hljómsveitinni Stykk á Hótel Stykkishólmi á laugardagskvöldinu. Varsjárbandalagið mun leika af fingrum fram á Fimm fiskum á föstudagskvöldið, Elvar Steinars og Sleggjurnar troða upp á Narfeyrarstofu, Hólmfríður Friðjónsdóttir og góðir gestir verða með Léttklassík á laugardeginum í Stykkishólmskirkju og Ráðhúsbandið flytur nokkur lög Villa Vill í Gömlu kirkjunni. Leikfélagið Grímnir frumsýnir leikritið Kvöldhúmið eftir Lauri Wylie í þýðingu og leikstjórn Guðjóns Sigvaldasonar í Leikfélagshúsinu Silfurgötu 7 föstudaginn 5. nóvember.

Gestum gefst kostur á að læra afródansa um helgina og þá verða öll söfnin opin um helgina; Amtsbókasafnið, Eldfjallasafnið, Norska húsið og Vatnasafnið og þá hanga uppi í Stykkishólmskirkju myndir eftir nemendur í 9. bekk Grunnskólans með ljóðum eftir nokkra heldri borgara bæjarins.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is